മാസപ്പടി കേസ്: ഹൈക്കോടതി ഉത്തരവിനെതിരെ പിണറായി വിജയന്‍ ഉള്‍പ്പെടെ നല്‍കിയ ഹര്‍ജിയില്‍ വാദം നാളെ
മാസപ്പടി കേസില്‍ ഹൈക്കോടതി ഉത്തരവിനെതിരെ പിണറായി വിജയനും കുടുംബവും നല്‍കിയ ഹര്‍ജി സുപ്രീംകോടതിയുടെ പ്രത്യേക ബെഞ്ച് നാളെ പരിഗണിക്കും. കും.
കൊച്ചി: മാസപ്പടി കേസില്‍ ഹൈക്കോടതി ഉത്തരവിനെതിരെ പിണറായി വിജയന്‍ ഉള്‍പ്പെടെ നല്‍കിയ ഹര്‍ജിയില്‍ വാദം നാളെ. ഹര്‍ജികള്‍ പരിഗണിക്കാന്‍ സുപ്രീകോടതി പ്രത്യേക ബെഞ്ച് രൂപീകരിച്ചു. ജസ്റ്റിസ് ജോയ്മാല്യ ബാഗ്ചി അധ്യക്ഷനായ പ്രത്യേക ബെഞ്ചാകും ഹര്‍ജി പരിഗണിക്കുക. വിജിലന്‍സ് കേസ് എടുക്കാനുള്ള കേരള ഹൈക്കോടതി സിംഗള്‍ ബെഞ്ച് ഉത്തരവ് ചോദ്യം ചെയ്താണ് പിണറായി വിജയന്‍, ടി വീണ, മുഹമ്മദ് റിയാസ് ഉള്‍പ്പെടെയുള്ളവര്‍ കഴിഞ്ഞ വെള്ളിയാഴ്ച സുപ്രീംകോടതിയില്‍ എത്തിയത്.
ആരോപണവിധേയരെ കേള്‍ക്കാതെയുള്ള സിംഗള്‍ ബെഞ്ച് ഉത്തരവ് നിലനില്‍ക്കില്ലെന്ന് കാട്ടി അപ്പീല്‍ നല്കിയെങ്കിലും ഇതില്‍ ഇടപെടാന്‍ ഡിവിഷന്‍ ബഞ്ച് തയ്യാറായിില്ല.ഇതെ തുടര്‍ന്നാണ് അപ്പീലുമായി സുപ്രീംകോടതിയില്‍ എത്തിയത്. 82 വയസുള്ള ഉന്നത രാഷ്ട്രീയ നേതാവായ പിണറായി വിജയന്റെ അറസ്റ്റിന് സാധ്യതയുണ്ടെന്നും കേസ് വെള്ളിയാഴ്ച്ച തന്നെ പരിഗണിക്കണമെന്ന് പിണറായിയുടെ അഭിഭാഷകന്‍ ആവശ്യപ്പെട്ടിരുന്നു.
ദസറ അവധിക്കാലത്ത് പ്രത്യേക ബെഞ്ച് രൂപീകരിച്ച് കേസില്‍ വാദം കേള്‍ക്കുന്നത് പരിശോധിക്കാം എന്ന് ചീഫ് ജസ്റ്റിസും വ്യക്തമാക്കി. തുടര്‍ന്നാണ് പ്രത്യേക ബെഞ്ച് രൂപീകരിച്ച് ലിസ്റ്റ് പുറത്തിറക്കിയത്. ആന്ധ്രയിലെ തദ്ദേശസ്വയംഭരണ തെരഞ്ഞെടുപ്പുമായി ബന്ധപ്പെട്ട് YSR കോണ്‍ഗ്രസ് നല്‍കിയ ഹര്‍ജിയും സുപ്രീംകോടതി ബുധനാഴ്ച്ച പരിഗണിക്കും. കേസില്‍ കേന്ദ്രസര്‍ക്കാരിന്റെ അഭിഭാഷകരും നേരിട്ട് ഹാജരായേക്കും. ഹര്‍ജിയില്‍ സുപ്രീംകോടതി എടുക്കുന്ന തീരുമാനം പിണറായി വിജയന്‍ ഉള്‍പ്പെടെയുള്ളവര്‍ക്ക് നിര്‍ണ്ണായകമാകും.
Related Posts
ശബരിമല മണ്ഡല മകരവിളക്ക് തീര്‍ത്ഥാടനം; വെര്‍ച്വല്‍ ക്യൂ ബുക്കിംഗ് ഒക്ടോബര്‍ 29ന് ആരംഭിക്കും
KCN CHANNEL