ട്വന്റി20 ലോകകപ്പിനുള്ള ഇന്ത്യന് ടീമിനെ പ്രഖ്യാപിച്ചു. സഞ്ജു സാംസണ് ടീമില്. ശുഭ്മാന് ഗില് ടീമില് ഇല്ല. ജിതേഷ് ശര്മ്മക്കും സ്ക്വാഡില് ഇടമില്ല. ഇഷാന് കിഷന് രണ്ടാം വിക്കറ്റ് കീപ്പര്.ഫെബ്രുവരിയില് ഇന്ത്യയിലും ശ്രീലങ്കയിലുമായി നടക്കുന്ന ടി20 ലോകകപ്പിനുള്ള 15 അംഗ ഇന്ത്യന് ടീമിനെയാണ് പ്രഖ്യപിച്ചത്. ലോകകപ്പിനൊപ്പം അടുത്ത മാസം ന്യൂസിലന്ഡിനെതിരെ നടക്കുന്ന ടി20 പരമ്പരയിലും ഇതേ ടീം തന്നെയാണ് കളിക്കുക.
സൂര്യകുമാര് യാദവ് ക്യാപ്റ്റനാവുന്ന ടീമില് അക്സര് പട്ടേലാണ് വൈസ് ക്യാപ്റ്റന്. ദക്ഷിണാഫ്രിക്കക്കെതിരായ ടി20 പരമ്പരയില് കളിച്ച ടീമിലെ താരങ്ങളില് ശുഭ്മാന് ഗില്ലും ജിതേഷ് ശര്മയും പുറത്തായപ്പോള് ഇഷാന് കിഷനും റിങ്കു സിംഗും ലോകകപ്പ് ടീമിലെത്തി. പേസര്മാരായി ജസ്പ്രീത് ബുമ്രയും അര്ഷ്ദീപ് സിംഗും ഹര്ഷിത് റാണയും തന്നെ ലോകകപ്പ് ടീമിലും തുടരും. കഴിഞ്ഞ വര്ഷത്തെ ടി20 ലോകകപ്പില് നിര്ഭാഗ്യം കൊണ്ട് റിങ്കുവിന് ടീമിലെ സ്ഥാനം നഷ്ടമായിരുന്നു. ഓള് റൗണ്ടര്മാരായി ഹാര്ദ്ദിക് പാണ്ഡ്യയും ശിവം ദുബെയും ടീമിലെത്തി.
