അധ്യാപക സംഘടനകളുടെ എതിര്പ്പിനെ തുടര്ന്ന് നടപടി
കെ ടെറ്റ് നിര്ബന്ധമാക്കിയ ഉത്തരവ് മരവിപ്പിച്ചു; അധ്യാപക സംഘടനകളുടെ എതിര്പ്പിനെ തുടര്ന്ന് നടപടി
അധ്യാപക നിയമനത്തിന് കെ ടെറ്റ് നിര്ബന്ധമാക്കിയ ഉത്തരവ് മരവിപ്പിച്ചതായി വിദ്യാഭ്യാസ വകുപ്പ് മന്ത്രി വി ശിവന്കുട്ടി അറിയിച്ചു.
തിരുവനന്തപുരം: സംസ്ഥാനത്തെ സ്കൂള് അധ്യാപകര്ക്ക് കെ ടെറ്റ് നിര്ബന്ധമാക്കിയ ഉത്തരവ് താത്ക്കാലികമായി മരവിപ്പിച്ചതായി വിദ്യാഭ്യാസ വകുപ്പ് മന്ത്രി വി ശിവന്കുട്ടി അറിയിച്ചു. അധ്യാപക സംഘടനകളുടെ എതിര്പ്പിനെ തുടര്ന്നാണ് നടപടി. സുപ്രീം കോടതി ഉത്തരവിനെ തുടര്ന്നാണ് സര്ക്കാര് ഉത്തരവിറക്കിയതെന്നും സര്ക്കാര് ഇതിനെതിരെ റിവ്യൂ ഹര്ജി നല്കുമെന്നും മന്ത്രി പറഞ്ഞു. ഫെബ്രുവരിയില് നടക്കുന്ന പ്രത്യേക കെടെറ്റ് പരീക്ഷയ്ക്ക് ശേഷം പുതിയ ഉത്തരവ് ഇറക്കുമെന്നും അദ്ദേഹം അറിയിച്ചു. ചില സംഘടനകള് കാര്യം എന്തെന്ന് മനസ്സിലാക്കും മുന്പ് എതിര്പ്പ് ഉന്നയിച്ചു. സര്ക്കാര് അധ്യാപകര്ക്കൊപ്പമാണ്. സ്ഥാനക്കയറ്റത്തില് വ്യക്തത വരുമെന്നും വി ശിവന്കുട്ടി പറഞ്ഞു. കുറേപേര് രക്ഷപ്പെടുമെങ്കില് രക്ഷപെടട്ടെയെന്ന് അഭിപ്രായപ്പെട്ട മന്ത്രി നാല്പതിനായിരത്തോളം അധ്യാപകരെ ബാധിക്കുന്ന വിഷയമാണെന്നും കൂട്ടിച്ചേര്ത്തു.
