ശൈത്യകാലത്ത് സാധാരണയായി കാണപ്പെടുന്ന ഫ്ലൂവും ജലദോഷവും രണ്ടും പകര്ച്ചവ്യാധികളായ ശ്വാസകോശരോഗങ്ങളാണ്. എന്നാല് ഇവ വ്യത്യസ്ത വൈറസുകള് മൂലമാണ് ഉണ്ടാകുന്നത്. ഫ്ലൂ ഇന്ഫ്ലുവന്സ വൈറസുകള് മൂലമാണ് ഉണ്ടാകുന്നത്. എന്നാല്, ജലദോഷം (സാധാരണ ജലദോഷം) പല തരത്തിലുള്ള മറ്റ് വൈറസുകള് മൂലവും ഉണ്ടാകാം. എല്ലാ പനിയും ചുമയുമോ ഫ്ലൂ തന്നെയാവണമെന്നില്ല.
ഫ്ലൂ ലക്ഷണങ്ങള്
ഫ്ലൂവിന്റെ ലക്ഷണങ്ങള് സാധാരണയായി അപ്രതീക്ഷിതമായാണ് ആരംഭിക്കുന്നത്. പനി അല്ലെങ്കില് കുളിരോടുകൂടിയ പനി, തൊണ്ടവേദന, മൂക്ക് ഒഴുകല് അല്ലെങ്കില് അടയല്, ചുമ, ശരീരവേദന, പേശിവേദന, തലവേദന, അമിത ക്ഷീണം എന്നിവയാണ് ഫ്ലൂവിന്റെ ലക്ഷണങ്ങള്. ഫ്ലൂ ചിലരില് ഗുരുതര സങ്കീര്ണതകള്, പ്രത്യേകിച്ച് ന്യൂമോണിയ വരെ ഉണ്ടാക്കാന് സാധ്യതയുണ്ട്.
ജലദോഷം (സാധാരണ ജലദോഷം) –
ജലദോഷം സാധാരണയായി ഫ്ലൂവിനേക്കാള് ലഘുവായ രോഗമാണ്. മൂക്ക് ഒഴുകല് അല്ലെങ്കില് മൂക്ക് അടയല് കൂടുതലായി കാണപ്പെടും. പനി വളരെ കുറവായിരിക്കും അല്ലെങ്കില് ഉണ്ടാകാതെയുമിരിക്കാം. ജലദോഷം സാധാരണയായി ഗുരുതര ആരോഗ്യ പ്രശ്നങ്ങള്, ന്യൂമോണിയ, ബാക്ടീരിയല് അണുബാധ, ആശുപത്രിവാസം എന്നിവക്ക് കാരണമാകാറില്ല.
ഫ്ലൂവും ജലദോഷവും തമ്മിലുള്ള പ്രധാന വ്യത്യാസം
ഫ്ലൂവും ജലദോഷവും പല ലക്ഷണങ്ങളും പങ്കുവെക്കുന്നതിനാല്, ലക്ഷണങ്ങള് മാത്രം നോക്കി രോഗം വേര്തിരിച്ചറിയുന്നത് പലപ്പോഴും ബുദ്ധിമുട്ടാണ്. ഫ്ലൂ സ്ഥിരീകരിക്കാന് ചിലപ്പോള് പ്രത്യേക പരിശോധനകള് ആവശ്യമായി വരാം.
ഫ്ലൂ എങ്ങനെ പടരുന്നു?
ഫ്ലൂ ബാധിച്ചവര് ചുമക്കുമ്പോഴും തുമ്മുമ്പോഴും സംസാരിക്കുമ്പോഴും പുറപ്പെടുന്ന തുള്ളികളിലൂടെ രോഗം പടരും. കൈകളില് പതിഞ്ഞ വൈറസ് വാതില്പ്പിടികള്, മേശകള്, കൈപ്പിടികള്, ലിഫ്റ്റ് ബട്ടണുകള് പോലുള്ള എല്ലാവരും സ്പര്ശിക്കുന്ന ഉപരിതലങ്ങളിലേക്ക് പടര്ന്ന് അവിടെ നിന്ന് മറ്റുള്ളവരിലേക്ക് രോഗം എത്താം. രോഗലക്ഷണങ്ങള് തുടങ്ങുന്നതിന് മുമ്പും രോഗം വന്നതിന് ശേഷം കുറച്ച് ദിവസങ്ങളും രോഗം പടരാന് സാധ്യതയുണ്ട്
രോഗമുള്ളപ്പോള് മറ്റുള്ളവരെ എങ്ങനെ സംരക്ഷിക്കാം? (ചുമ ശിഷ്ടാചാരം)
- ചുമക്കുമ്പോഴും തുമ്മുമ്പോഴും വായയും മൂക്കും ടിഷ്യൂവോ വസ്ത്രത്തിന്റെ തോളുഭാഗമോ ഉപയോഗിച്ച് മൂടുക
. കൈകളില് ചുമച്ചോ തുമ്മിയോ കഴിഞ്ഞാല് എല്ലാവരും സ്പര്ശിക്കുന്ന സ്ഥലങ്ങള് തൊടരുത്
. കൈകള് സോപ്പ് ഉപയോഗിച്ച് നന്നായി കഴുകുക അല്ലെങ്കില് സാനിറ്റൈസര് ഉപയോഗിക്കുക
. തിരക്കുള്ള സ്ഥലങ്ങളില് ജാഗ്രത പാലിക്കുക
രോഗമുള്ളപ്പോള് മറ്റുള്ളവരെ എങ്ങനെ സംരക്ഷിക്കാം? (ചുമ ശിഷ്ടാചാരം)
- ചുമക്കുമ്പോഴും തുമ്മുമ്പോഴും വായയും മൂക്കും ടിഷ്യൂവോ വസ്ത്രത്തിന്റെ തോളുഭാഗമോ ഉപയോഗിച്ച് മൂടുക
. കൈകളില് ചുമച്ചോ തുമ്മിയോ കഴിഞ്ഞാല് എല്ലാവരും സ്പര്ശിക്കുന്ന സ്ഥലങ്ങള് തൊടരുത്
കൈകള് സോപ്പ് ഉപയോഗിച്ച് നന്നായി കഴുകുക അല്ലെങ്കില് സാനിറ്റൈസര് ഉപയോഗിക്കുക
. തിരക്കുള്ള സ്ഥലങ്ങളില് ജാഗ്രത പാലിക്കുക - മതിയായ വിശ്രമവും ഉറക്കവും ശരീരത്തിന്റെ പ്രതിരോധശക്തി വര്ധിപ്പിക്കും
-ഫ്ലൂ വന്നാല് എന്ത് ചെയ്യണം?
. വിശ്രമിക്കുക
ധാരാളം വെള്ളം കുടിക്കുക
പനിക്കായി ഡോക്ടര് നിര്ദേശിച്ച മരുന്നുകള് നിര്ദേശിച്ച വിധത്തില് മാത്രം കഴിക്കുക
ലക്ഷണങ്ങള് കൂടുകയോ, ശ്വാസം മുട്ടുകയോ, നെഞ്ചുവേദന ഉണ്ടാകുകയോ ചെയ്താല് ഉടന് ഡോക്ട്ടറെ കാണുക
ഫ്ല വാക്സിന്
ഫ്ലൂ വാക്സിന് എല്ലാ വൈറസുകളെയും തടയില്ല. എന്നാല്, ഇന്ഫ്ലുവന്സ എ ബി, എച്ച് വണ് എന് വണ് മൂലമുണ്ടാകുന്ന ഫ്ലൂവില് നിന്ന് സംരക്ഷണം നല്കുന്നു. ഗുരുതര ഫ്ലൂ, ന്യൂമോണിയ, ആശുപത്രിവാസം എന്നിവയുടെ സാധ്യത കുറക്കാന് സഹായിക്കുന്നു.
