ദുരന്തബാധിതരില് പലര്ക്കും വരുമാനം ഇല്ലാത്തതിനാല് ധന സഹായം നീട്ടണം എന്നാണ് ആവശ്യം.
കല്പ്പറ്റ: മുണ്ടക്കൈ, ചൂരല്മല ദുരിത ബാധിതര്ക്ക് സര്ക്കാര് നല്കി വരുന്ന 9,000 രൂപ ധനസഹായം നിര്ത്തി. ഉരുള്പ്പൊട്ടലില് ജീവിതോപാധി നഷ്ടപ്പെട്ടവര്ക്കായിരുന്നു സര്ക്കാര് 9,000 രൂപ ധനസഹായം നല്കിയിരുന്നത്. മൂന്ന് മാസം പ്രഖ്യാപിച്ച സഹായം വിമര്ശനത്തിന് പിന്നാലെ ഡിസംബര് വരെ നീട്ടിയിരുന്നു.
ദുരന്തബാധിതരില് പലര്ക്കും വരുമാനം ഇല്ലാത്തതിനാല് ധനസഹായം നീട്ടണം എന്നാണ് ആവശ്യം. മാതൃകാപരമായ പുനരധിവാസം വാഗ്ദാനം ചെയ്തായിരുന്നു സഹായധനം പ്രഖ്യാപിച്ചത്. ദിനം പ്രതി 300 രൂപ എന്ന നിലയ്ക്കാണ് മാസം 9000 രൂപ നല്കിയിരുന്നത്. കഴിഞ്ഞ മാസത്തെ തുക ഇതുവരെയും അക്കൗണ്ടിലെത്തിയിട്ടില്ല.
