മൂന്നാം ബലാത്സംഗക്കേസില് രാഹുല് മാങ്കുട്ടത്തില് എംഎല്എയുടെ ജാമ്യാപേക്ഷയില് വിധി പറയുന്നത് മാറ്റി. പത്തനംതിട്ട ജില്ലാ സെഷന്സ് കോടതി ഈ മാസം 28ന് വിധി പറയും. കഴിഞ്ഞദിവസം പ്രാേസിക്യൂഷന്റെയും പ്രതിഭാഗത്തിന്റെയും വാദം പൂര്ത്തിയായിരുന്നു. അതിജീവിതയുടെ പരാതിയില് പറയുന്ന പല കാര്യങ്ങളും കള്ളമാണെന്ന വാദമാണ് പ്രതിഭാഗം ഉന്നയിച്ചത്. ബലാത്സംഗ കുറ്റം നിലനില്ക്കില്ലെന്നും രാഹുലിന്റെ അഭിഭാഷകര് കോടതിയെ അറിയിച്ചു.
അതേസമയം, പ്രോസിക്യൂഷന് ജാമ്യാപേക്ഷയെ എതിര്ത്തു. അന്വേഷണം പൂര്ത്തിയായിട്ടില്ലെന്നും കൂടുതല് തെളിവുകള് ശേഖരിക്കേണ്ടത് ഉണ്ടെന്നും ആണ് അന്വേഷണ സംഘത്തിന്റെ നിലപാട്. രാഹുല് അന്വേഷണവുമായി സഹകരിക്കുന്നില്ലെന്നും പ്രോസിക്യൂഷന് കോടതിയെ അറിയിച്ചിരുന്നു. തിരുവല്ല മജിസ്ട്രേറ്റ് കോടതി റിമാന്ഡ് ചെയ്ത രാഹുല് നിലവില് മാവേലിക്കര സ്പെഷ്യല് സബ് ജയിലിലാണ്.
