സംസ്ഥാനത്ത് മോട്ടോര് വാഹന നിയമങ്ങള് കര്ശനമാക്കുന്നു. വര്ഷത്തില് 5 ചലാനുകള് ലഭിച്ചാല് ഡ്രൈവിംഗ് ലൈസന്സ് റദ്ദാക്കും. കേന്ദ്ര നിയമം കേരളത്തിലും നടപ്പാക്കും. 2026 ജനുവരി 1 മുതല് പുതിയ നിയമം പ്രാബല്യത്തില്. ഇതുമായി ബന്ധപ്പെട്ട് സര്ക്കാര് ഉത്തരവ് ഉടന് പുറത്തിറങ്ങും. കര്ശന നിയമം പാലിച്ച് മുന്നോട്ട് പോകണമെന്നും മുന്നറിയിപ്പ് നല്കി.
പിഴയടക്കാന് 45 ദിവസത്തെ സാവകാശം അതിനുശേഷം കര്ശന നടപടി. പിഴ കുടിശ്ശികയുള്ള വാഹനങ്ങള് ബ്ലാക്ക്ലിസ്റ്റില് ഉള്പ്പെടുത്തും. ബ്ലാക്ക്ലിസ്റ്റിലുള്ള വാഹനങ്ങള്ക്ക് ഉടമസ്ഥാവകാശ കൈമാറ്റം, ഫിറ്റ്നസ് തുടങ്ങിയ സേവനങ്ങള് തടയും. എല്ലാ നിയമനടപടികളും വാഹനത്തിന്റെ ആര്സി ഉടമയ്ക്കെതിരെയായിരിക്കും. മറ്റൊരാളാണ് വാഹനമോടിച്ചതെന്ന് തെളിയിക്കേണ്ട ബാധ്യത ഉടമയ്ക്കായിരിക്കും.
ഗതാഗത നിയമം ലംഘിച്ച വ്യക്തി ഇതുമായി ബന്ധപ്പെട്ട ചലാനുകള് മൂന്ന് ദിവസത്തിനുള്ളില് ഇലക്ട്രോണിക്കലായോ 15 ദിവസത്തിനുള്ളില് നേരിട്ടോ കൈപ്പറ്റാണെന്നാണ് പ്രധാന നിര്ദേശം. അതിന് ശേഷം 45 ദിവസത്തിനുള്ളില് പിഴ അടയ്ക്കുകയോ നിയമലംഘനം നടന്നിട്ടില്ലെങ്കില് തെളിവ് സഹിതം അത് തെളിയിക്കുകയോ വേണം. ഇതിന് തയ്യാറായില്ലെങ്കില് ലൈസന്സ്, രജിസ്ട്രേഷന് ഉള്പ്പെടെയുള്ളവ സസ്പെന്ഡ് ചെയ്യുന്നത് ഉള്പ്പെടെയുള്ള നടപടികള് സ്വീകരിക്കുക.
നിയമലംഘനം നടത്തുകയും മൂന്ന് മാസം വരെ പിഴയടയ്ക്കുകയും ചെയ്യാത്ത ഡ്രൈവര്മാരുടെ ലൈസന്സ് റദ്ദാക്കാനും നിര്ദേശമുണ്ട്. ചുവപ്പ് സിഗ്നല് ലംഘിക്കല്, അപകടകരമായ ഡ്രൈവിംഗ് തുടങ്ങിയ നിയമലംഘനങ്ങള്ക്ക് മുന്നില് അധികം തവണ ചലാന് ലഭിച്ചിട്ടുണ്ടെങ്കില് അത്തരക്കാരുടെ ഡ്രൈവിംഗ് ലൈസന്സ് മൂന്ന് മാസം വരെ സസ്പെന്ഡ് ചെയ്യാന് സര്ക്കാരിന് സാധിക്കും.’
നിയമലംഘനം പതിവാക്കുന്നവരെ ലക്ഷ്യമിട്ടാണ് നിയമം നടപ്പിലാക്കാനൊരുങ്ങുന്നത്. നിയമലംഘകരുടെയും വാഹനങ്ങളുടെ വിവരങ്ങള് വാഹന-സാരഥി പോര്ട്ടലിലേക്കും കൈമാറും
