കുറ്റപത്രം സമര്പ്പിക്കാത്തതിനെ തുടര്ന്നാണ്
കേസിലെ ഒന്നാം പ്രതിയായ ഉണ്ണികൃഷ്ണന് പോറ്റിക്ക് ജാമ്യം ലഭിച്ചത്.
അറസ്റ്റിലായി 90 ദിവസത്തിന് ശേഷവും കുറ്റപത്രം സമര്പ്പിക്കാത്തതിനെ തുടര്ന്നാണ് ഉണ്ണിക്കൃഷ്ണന് പോറ്റിക്ക് സ്വാഭാവിക ജാമ്യം ലഭിച്ചിരിക്കുന്നത്.
കൊല്ലം: ശബരിമല സ്വര്ണക്കൊള്ളകേസിലെ ഒന്നാം പ്രതി ഉണ്ണികൃഷ്ണന് പോറ്റി ജയിലിന് പുറത്തേക്ക്. കട്ടിളപ്പാളി കേസിലും ജാമ്യം ലഭിച്ചു. ഇതോടെ പോറ്റിക്ക് ഉടന് പുറത്തിറങ്ങാം. കുറ്റപത്രം സമര്പ്പിക്കാത്തത് പുറത്തിറങ്ങാന് വഴിയൊരുക്കി. കട്ടിളപ്പാളി കേസില് 90 ദിവസത്തെ റിമാന്ഡ് പിന്നിട്ടതോടെയാണ് കൊല്ലം വിജിലന്സ് കോടതിയില് നിന്ന് പോറ്റിക്ക് സ്വാഭാവിക ജാമ്യം ലഭിച്ചത്. ജാമ്യഹര്ജിയില് ഇന്നലെ വാദം പൂര്ത്തിയായിരുന്നു. ദ്വാരപാലക കേസില് നേരത്തെ സ്വാഭാവിക ജാമ്യം ലഭിച്ചിരുന്നു. സ്വര്ണ്ണക്കൊള്ളയില് മൂന്ന് പ്രതികള് ഇതിനോടകം ജാമ്യംനേടി പുറത്തിറങ്ങിയിട്ടുണ്ട്. മുന് അഡ്മിനിസ്ട്രേറ്റീവ് ഓഫീസര് മുരാരി ബാബുവിനും മുന് എക്സിക്യൂട്ടീവ് ഓഫീസര് സുധീഷ് കുമാറിനും സ്വാഭാവിക ജാമ്യമാണ് ലഭിച്ചത്. എന്നാല് റിമാന്ഡിലായി 43ആം ദിവസം മുന് അഡ്മിനിസ്ട്രേറ്റീവ് ഓഫീസര് എസ്.ശ്രീകുമാറിന് തെളിവുകളുടെ അഭാവം ചൂണ്ടിക്കാട്ടി കോടതി ജാമ്യം നല്കുകയായിരുന്നു.
