?നെല്ലിക്കുന്ന്: സമസ്ത കേരള ഇസ്ലാം മത വിദ്യാഭ്യാസ ബോര്ഡ് നടത്തിയ 2025-26 വര്ഷത്തെ പൊതുപരീക്ഷയില് ഉജ്ജ്വല നേട്ടവുമായി നെല്ലിക്കുന്ന് കടപ്പുറം ഖുവ്വത്തുല് ഇസ്ലാം ഹയര് സെക്കന്ഡറി മദ്രസ. ഏഴാം ക്ലാസ് പൊതുപരീക്ഷയില് എല്ലാ വിഷയങ്ങളിലും നൂറ് ശതമാനം മാര്ക്ക് (500-ല് 500) കരസ്ഥമാക്കി മുഹമ്മദ് അഹ്സന് ബി.എന് നാടിന്റെ അഭിമാനമായി മാറി.
?മുഹമ്മദ് അഹ്സന്റെ തിളക്കമാര്ന്ന വിജയത്തോടൊപ്പം മദ്രസയിലെ മറ്റ് വിദ്യാര്ത്ഥികളും മികച്ച പ്രകടനമാണ് കാഴ്ചവെച്ചത്. പരീക്ഷ എഴുതിയവരില് 12 പേര് ടോപ്പ് പ്ലസ് ഗ്രേഡും, 18 പേര് ഡിസ്റ്റിംഗ്ഷനും, 14 പേര് ഫസ്റ്റ് ക്ലാസും കരസ്ഥമാക്കി മദ്രസയുടെ വിജയഗാഥയ്ക്ക് മാറ്റുകൂട്ടി.
?കാസര്കോട് ജില്ലയ്ക്ക് തന്നെ അഭിമാനമാകുന്ന വിധത്തില് മികച്ച വിജയം കാഴ്ചവെച്ച മുഹമ്മദ് അഹ്സനെയും, ഉന്നത വിജയം നേടിയ മറ്റ് വിദ്യാര്ത്ഥികളെയും, അവരെ അതിനായി പ്രാപ്തരാക്കിയ ഉസ്താദുമാരെയും ബദ്രിയ മസ്ജിദ് & ഖുവ്വത്തുല് ഇസ്ലാം ഹയര് സെക്കന്ഡറി മദ്രസ കമ്മിറ്റി അഭിനന്ദിച്ചു.
വിജയശ്രീലാളിതനായ മുഹമ്മദ് അഹ്സനെ മദ്രസ കമ്മിറ്റി പ്രത്യേകമായി ആദരിക്കുകയും ചെയ്തു.
