അബുദാബി: അബുദാബി മഞ്ചേശ്വരം മണ്ഡലം KMCC യുടെ ഷിഫാഹു റഹ്‌മ കാരുണ്യ ഹസ്തം പദ്ധതിയുടെ ഒക്ടോബര്‍ മാസത്തെ യോഗം
അബുദാബി മദീനാ സായിദ് കമ്പള ഹൌസില്‍ വച്ച് നടത്തുകയുണ്ടായി.
മണ്ഡലം കമ്മിറ്റിയുടെ കീഴില്‍ കഴിഞ്ഞ അഞ്ച് വര്‍ഷത്തോളമായി നടപ്പിലാക്കിവരുന്ന ശിഫാഹുറഹ്‌മാ കാരുണ്യ ഹസ്തം പദ്ധതിയുടെ ഭാഗമായി ഒക്ടോബര്‍ മാസത്തെ ചികിത്സാ ധന സഹായം മഞ്ചേശ്വരം മണ്ഡലത്തിലെ 7 പഞ്ചായത്തില്‍ പെട്ട 3 ക്യാന്‍സര്‍ രോഗികള്‍ക്കും 4 കിഡ്‌നി രോഗികുമായി
മൊത്തം 7 രോഗികള്‍ക്ക് ചികിത്സാ തുക അനുവദിച്ചു നല്‍കി.
പുത്തിഗ പഞ്ചായത്ത് കന്തല്‍ വാര്‍ഡിലെ കാന്‍സര്‍ രോഗിക്കും, കുമ്പള പഞ്ചായത്ത് കൊയ്പാടി വാര്‍ഡ് ലെ കാന്‍സര്‍ രോഗിക്കും, വോര്‍ക്കാടി പഞ്ചായത്ത് 4ആം വാര്‍ഡ് പാടിയിലെ കിഡ്‌നി രോഗിക്കും, മീഞ്ച പഞ്ചായത്തിലെ കടമ്പാര്‍ വാര്‍ഡ് ലെ കിഡ്‌നി രോഗിക്കും, പൈവളികെ പഞ്ചായത്ത് 18 ആം വാര്‍ഡ് കളാഇ യിലെ കാന്‍സര്‍ രോഗിക്കും, മഞ്ചേശ്വരം പഞ്ചായത്ത് ഉദ്യാവര്‍ വാര്‍ഡിലെ കിഡ്‌നി രോഗിക്കും മംഗല്‍പാടി പഞ്ചായത്ത് ബേക്കൂര്‍ വാര്‍ഡിലെ കിഡ്‌നി രോഗിക്കുമാണ് തുക അനുവദിച്ചു നല്‍കിയത്.
മഞ്ചേശ്വരം മണ്ഡലത്തിലെ മുസ്ലിം ലീഗ് പഞ്ചായത്ത് കമ്മിറ്റികള്‍ മുഖാന്തരം ലഭിക്കുന്ന അപേക്ഷയിന്‍ മേലാണ് തുക അനുവദിച്ചു നല്‍കുന്നത് . ഓരോ രോഗികള്‍ക്കും അനുവദിക്കുന്ന പതിനായിരം രൂപ അതാത് പഞ്ചായത്ത് മുസ്ലിം ലീഗ് ഭാരവാഹികള്‍ക്ക് കൈമാറുകയും തുടര്‍ന്ന് വാര്‍ഡ് കമ്മിറ്റി മുഖാന്തിരം രോഗിക്ക് നേരിട്ട് ഏല്‍പ്പിക്കുകയും ചെയ്യും .
അബുദാബി മദീനാ സായിദ് കമ്പള ഹൌസില്‍ വച്ച് ചേര്‍ന്ന മാസാന്ത ഷിഫാഹുറഹ്‌മാ യോഗത്തില്‍ അഷ്റഫ് ബസറ, അബ്ദുല്‍ റഹ്‌മാന്‍ ഹാജി കമ്പള എന്നിവര്‍ പ്രാര്‍ത്ഥനക്ക് നേത്രത്വം നല്‍കി .
മഞ്ചേശ്വരം മണ്ഡലം പ്രസിഡന്റ് അസിസ് പെര്‍മുദെ അധ്യക്ഷം വഹിച്ചു. ജില്ലാ സെക്രട്ടറി തസ്ലിം അരിക്കാടി യോഗം ഉദ്ഘാടനം ചെയ്തു.ജില്ലാ ട്രഷെറെര്‍ ഉമ്പു ഹാജി പെര്‍ള , മണ്ഡലം ജനറല്‍ സെക്രട്ടറി ഷാ ബന്ദിയോട്, ഇബ്രാഹിം ജാറം, നിസാര്‍ ഹൊസങ്കടി , ഇക്ബാല്‍ പള്ള, റസാഖ് നല്‍ക, അച്ചു കുമ്പള, ഫാറൂഖ് ഹാജി സീതാങ്കോളി , ഹമീദ് മാസിമാര്‍,ബഷീര്‍ അറബി, തുടങ്ങിയവര്‍ സംബന്ധിച്ചു
രോഗികള്‍ക്കുള്ള ധന സഹായം ജില്ലാ ട്രെഷറര്‍ ഉമ്പു ഹാജി, അച്ചു കുമ്പളക്ക് കൈമാറി.മണ്ഡലം ഓര്‍ഗനൈസിംഗ് സെക്രട്ടറിയും
ശിഫാഹുറഹ്‌മാ കോഡിനേറ്ററുമായ അബ്ദുല്‍ ലത്തീഫ് ഈറോഡി സ്വാഗതവും റിപ്പോര്‍ട്ട് അവതരണവും നടത്തി . മണ്ഡലം ട്രഷറര്‍ ഖാലിദ് ബംബ്രാണ നന്ദിയും പറഞ്ഞു.
