ദില്ലി: പിഡിപി ചെയര്‍മാന്‍ അബ്ദുള്‍ നാസര്‍ മദനിയ്ക്ക് കേരളത്തിലേക്കു പോകുന്നതിന് സുരക്ഷാ ചെലവായി വന്‍ തുക ഈടാക്കാനുള്ള കര്‍ണാടക സര്‍ക്കാരിന്റെ നീക്കിത്തിനെതിരേ സുപ്രീം കോടതിയുടെ രൂക്ഷ വിമര്‍ശനം. സുരക്ഷയ്ക്കായി ഇത്രയധികം തുക ഈടാക്കുന്നത് അനുവദിക്കാനാകില്ല. സുരക്ഷയ്ക്കായി ടിഎ, ഡിഎ എന്നിവ മാത്രമേ അനുവദിക്കാനാകുകയുള്ളുവെന്നും സുപ്രീം കോടതി ഡിവിഷന്‍ ബെഞ്ച് നിര്‍ദേശിച്ചു.
മദനി സുപ്രീം കോടതിയില്‍ വീണ്ടും സമര്‍പ്പിച്ച ഹര്‍ജിയിലാണ് കോടതിയുടെ വിമര്‍ശനം. സുപ്രീം കോടതി വിധി കര്‍ണാടക സര്‍ക്കാര്‍ ലഘുവായാണോ കാണുന്നതെന്നും കോടതി ചോദിച്ചു. വികലാംഗനായ ആളോടാണ് ഇത് ചെയ്യുന്നതെന്ന് ഓര്‍ക്കണം. ഇക്കാര്യത്തില്‍ എന്താണ് ചെയ്യേണ്ടതെന്ന് അറിയാമെന്നും സുപ്രീം കോടതി വ്യക്തമാക്കി. പോലീസുകാരുടെ വേതനം സര്‍ക്കാരാണ് നല്‍കേണ്ടത്. വിചാരണത്തടവുകാരുടെ സുരക്ഷയും മറ്റും സംസ്ഥാനത്തിന്റെ ചുമതലയാണെന്നും സുപ്രീം കോടതി ഓര്‍മിപ്പിച്ചു.
അതേസമയം, മദനിയുടെ സുരക്ഷയെകുറിച്ച് കേരള സര്‍ക്കാര്‍ ആശങ്കപ്പെടേണ്ട കാര്യമില്ലെന്നും സുപ്രീം കോടതി വ്യക്തമാക്കി. മഅദനിക്കുവേണ്ടി മുതിര്‍ന്ന അഭിഭാഷകന്‍ പ്രശാന്ത് ഭൂഷണാണ് ഹാജരായത്. മദനിയുടെ കേരളത്തിലേക്കുളള യാത്ര പ്രതിസന്ധിയിലാക്കാനാണു കര്‍ണാടക സര്‍ക്കാരിന്റെ ശ്രമം. മദനിയുടെ കാര്യത്തില്‍ നീതി നിഷേധമാണ് നടക്കുന്നതെന്ന് അദ്ദേഹം പറഞ്ഞു. മഅദനിയുടെ സുരക്ഷയ്ക്ക് കര്‍ണാടക പോലീസ് വിമാന ടിക്കറ്റ് കൂടാതെ 14,80,000 രൂപയാണ് ആവശ്യപ്പെട്ടത്. സുരക്ഷയ്ക്കായി ഒരു എഎസ്പി അടക്കം 19 ഉദ്യോഗസ്ഥരെയാണ് ഏര്‍പ്പെടുത്തിയിരിക്കുന്നത്.
more recommended stories
സംസ്ഥാനത്ത് അതിതീവ്ര മഴ മുന്നറിയിപ്പ്; മൂന്ന് ജില്ലകളില് റെഡ് അലര്ട്ട്തിരുവനന്തപുരം: സംസ്ഥാനത്ത് മഴ മുന്നറിയിപ്പില് വീണ്ടും.
ഗുണ്ടകളെ ഒതുക്കും; പൊലീസിന്റെ ‘ഓപ്പറേഷന് ആഗ് ഡി ഹണ്ട്’ല് 2 ദിവസത്തിനുള്ളില് പിടിയിലായത് 2015 പേര്തിരുവനന്തപുരം: സംസ്ഥാനത്ത് ഗുണ്ടകളെ അമര്ച്ച ചെയ്യാന്.
സ്വാതി മലിവാളിന്റെ പരാതി ബിഭവ് കുമാര് അറസ്റ്റില്സ്വാതി മലിവാളിന്റെ ശരീരത്തില് പരിക്കുകളുണ്ടെന്ന് ദില്ലി.
ചെര്ക്കള ടൗണ് വീണ്ടും ചെളിക്കുളം,പ്രതിഷേധത്തില് ഇടപ്പെട്ട് എം എല് എ, പരിഹാര നിര്ദ്ദേശങ്ങള്ക്ക് അടിയന്തിര അംഗീകാരംചെര്ക്കള ടൗണ് വീണ്ടും ചെളിക്കുളം ആയി..
Leave a Comment