കൊച്ചി: നടിയെ ആക്രമിച്ച കേസില്‍ ദിലീപിന്റെ ജാമ്യാപേക്ഷയില്‍ അങ്കമാലി മജിസ്ട്രേറ്റ് കോടതി ഇന്ന് വിധി പറയും. കാവ്യമാധവന്റെയും നാദിര്‍ഷയുടെയും മുന്‍കൂര്‍ ജാമ്യാപേക്ഷകളും ഹൈക്കോടതി ഇന്ന് പരിഗണിക്കും. നടിയെ ആക്രമിച്ച കേസില്‍ രണ്ട് മാസത്തിലധികമായി റിമാന്‍ഡില്‍ കഴിയുന്ന ദിലീപ് സമര്‍പ്പിച്ച നാലാമത്തെ ജാമ്യാപേക്ഷയിലാണ് അങ്കമാലി മജിസ്ട്രേറ്റ് കോടതി വിധി പറയുന്നത്. മുന്‍പ് മജിസ്ട്രേറ്റ് കോടതി ഒരു തവണയും ഹൈക്കോടതി രണ്ട് തവണയും ദിലീപിന്റെ ജാമ്യാപേക്ഷ തള്ളിയിരുന്നു. അല്‍പ സമയത്തിനുള്ളില്‍
ഉത്തരവുണ്ടാകുമെന്നാണ് പ്രതീക്ഷിക്കുന്നത്.
അന്വേഷണവുമായി സഹകരിക്കാമെന്നും തനിക്കെതിരെ ചുമത്തിയ കുറ്റങ്ങള്‍ ജാമ്യം ലഭിക്കാവുന്നതാണെന്നും ചൂണ്ടിക്കാട്ടിയാണ് ഇത്തവണ ഹര്‍ജി നല്‍കിയിരിക്കുന്നത്. നടിയുടെ നഗ്ന വീഡിയോ പകര്‍ത്താന്‍ ഗൂഢാലോചന നടത്തി എന്നതാണ് പൊലീസ് ചുമത്തിയിരിക്കുന്ന പ്രധാന കുറ്റം. ഇതിനാല്‍ തനിക്കെതിരെ ചുമത്തിയിരിക്കുന്ന കൂട്ടബലാല്‍സംഗം നിലനില്‍ക്കില്ലെന്നുമാണ് ദിലീപിന്റെ വാദം. മജിസ്ട്രേറ്റ് കോടതി ജാമ്യം നിഷേധിക്കുകയാണെങ്കില്‍ വീണ്ടും ഹൈക്കോടതിയെ സമീപിക്കാനാണ് നീക്കം.
ഇതിനിടെ കാവ്യാമാധവും നാദിര്‍ഷയും നല്‍കിയ മുന്‍കൂര്‍ ജാമ്യഹര്‍ജിയും ഹൈക്കോടതി ഇന്ന് പരിഗണിക്കും. നാദിര്‍ഷയെ പൊലീസ് ഇന്നലെ വിശദമായി ചോദ്യം ചെയ്തിരുന്നു. ഇതിന്റെ വിശദാംശങ്ങള്‍ പൊലീസ് ഇന്ന് ഹൈക്കോടതിയെ അറിയിക്കും. കാവ്യാമാധവന്റെ മുന്‍കൂര്‍ ജാമ്യാപേക്ഷയില്‍ പ്രാഥമിക വാദം കേട്ട ശേഷം സര്‍ക്കാരിന്റെ വിശദീകരണത്തിനായി മാറ്റി വയ്ക്കാനാണ് സാധ്യത. മുഖ്യപ്രതി സുനില്‍കുമാര്‍ നല്‍കിയ ജാമ്യജര്‍ജിയും ഹൈക്കോടതി ഇന്ന് പരിഗണനയ്ക്കുന്നുണ്ട്.
more recommended stories
പകര്ച്ചവ്യാധി പ്രതിരോധം; ആര്ആര്ടി നിലവില് വന്നു, കണ്ട്രോള് റൂം ഉടന് ആരംഭിക്കുമെന്ന് ആരോഗ്യ മന്ത്രിതിരുവനന്തപുരം: സംസ്ഥാനത്ത് പകര്ച്ചവ്യാധി പ്രതിരോധത്തിന് ആരോഗ്യ വകുപ്പ്.
മധൂര് ഗ്രാമപഞ്ചായത്തില് ലക്ഷങ്ങളുടെ അഴിമതി.രാജി ആവശ്യപ്പെട്ട് സിപിഐഎംമധൂര് ഗ്രാമ പഞ്ചായത്തില് കരാര് വ്യവസ്ഥകള് ലംഘിച്ച്.
കാസര്ഗോഡ് 6 ലിറ്റര് ചാരായം, ആലപ്പുഴയില് 3 കിലോ കഞ്ചാവ്; എക്സൈസ് റെയ്ഡില് രണ്ട് പേര് പിടിയില്കാസര്ഗോഡ്: സംസ്ഥാനത്ത് വ്യത്യസ്ത ജില്ലകളില് നടന്ന റെയ്ഡില്.
ചെര്ക്കള ഗവണ്മെന്റ് ഹയര് സെക്കന്ററി സ്കൂളില് നിന്നും എസ്.എസ്.എല്.സി,പ്ലസ് ടു പരീക്ഷയില് മുഴുവന് വിഷയങ്ങള്ക്കും എ പ്ലസ് നേടിയ വിദ്യാര്ത്ഥികളെ പൂര്വ വിദ്യാര്ത്ഥി കൂട്ടായ്മയായ ടാഫോഡില്സ് അനുമോദിച്ചുചെര്ക്കള: ചെര്ക്കള ഗവണ്മെന്റ് ഹയര് സെക്കന്ററി.
Leave a Comment