പെരിന്തല്‍മണ്ണ: മരണ സര്‍ട്ടിഫിക്കറ്റ് ലഭിക്കാന്‍ മരിച്ചയാളുടെ ആധാര്‍ നമ്പര്‍ നിര്‍ബന്ധമാക്കി സംസ്ഥാന ജനന-മരണ രജിസ്ട്രാര്‍ ഉത്തരവിറക്കി. സംസ്ഥാനത്തെ നഗരസഭ-ഗ്രാമപഞ്ചായത്ത്-കോര്‍പറേഷനുകള്‍ക്കും ഇതുസംബന്ധിച്ച് സര്‍ക്കുലര്‍ വെള്ളിയാഴ്ച ലഭിച്ചു. ഒക്‌ടോബര്‍ ഒന്ന് മുതല്‍ ഇത് പ്രാബല്യത്തിലാകും.
മരണ സര്‍ട്ടിഫിക്കറ്റിനായി അപേക്ഷ സമര്‍പ്പിക്കുമ്പോള്‍ മറ്റ് വിവരങ്ങള്‍ക്കൊപ്പം അയാളുടെ ആധാര്‍ നമ്പറോ, ആധാര്‍ എന്റോള്‍മന്റെ് നമ്പറോ രേഖപ്പെടുത്തണമെന്നാണ് നിര്‍ദേശം. മരണ സര്‍ട്ടിഫിക്കറ്റിന് അപേക്ഷിക്കുന്നയാള്‍ക്ക് മരിച്ചയാളുടെ ആധാര്‍ നമ്പര്‍ അറിയില്ലെങ്കില്‍ അപേക്ഷകന്റെ അറിവിലും വിശ്വാസത്തിലും പെട്ടിടത്തോളം മരിച്ചയാളിന് ആധാര്‍ ഇല്ലെന്നുള്ള സത്യപ്രസ്താവന സമര്‍പ്പിക്കണം. സത്യപ്രസ്താവന വ്യാജമെന്ന് തെളിഞ്ഞാല്‍ ആധാര്‍ ആക്ടും ജനന-മരണ നിയമപ്രകാരവും നടപടി സ്വീകരിക്കും.
മരണ സര്‍ട്ടിഫിക്കറ്റിന് അപേക്ഷ നല്‍കുന്നയാളുടെ ആധാര്‍നമ്പറും അപേക്ഷയോടൊപ്പം വാങ്ങാനും നിര്‍ദേശമുണ്ട്. മരിച്ചയാളുടെയും അപേക്ഷകന്റെയും ആധാര്‍നമ്പറുകള്‍ ജനന-മരണ രജിസ്‌ട്രേഷന്റെ ഡാറ്റ ബേസില്‍ ഉള്‍പ്പെടുത്താനായി സോഫ്റ്റ്‌വെയറില്‍ മാറ്റം വരുത്താനാണ് തീരുമാനം.
more recommended stories
‘സ്കൂളുകളില് ഇന്റേണല് കമ്മറ്റി രൂപീകരിച്ചെന്ന് ഉറപ്പാക്കണം’; വിദ്യാഭ്യാസ വകുപ്പിന് വനിതാ കമ്മിഷന്റെ ശുപാര്ശതിരുവനന്തപുരം: പുതിയ അധ്യയന വര്ഷത്തിന്റെ തുടക്കത്തില് എല്ലാ.
എസി യൂണിറ്റില് തീപിടുത്തമെന്ന് സംശയം, എയര് ഇന്ത്യ വിമാനം തിരിച്ചിറക്കിദില്ലി: ദില്ലിയില് നിന്നുള്ള എയര് ഇന്ത്യ വിമാനമായ.
പാലക്കാട് ഭാര്യയെ കൊലപ്പെടുത്താന് ശ്രമിച്ച് ഭര്ത്താവ്; കഴുത്തില് ഗുരുതരപരിക്ക്; പ്രതി അഗളി പൊലീസ് കസ്റ്റഡിയില്പാലക്കാട്: പാലക്കാട് അട്ടപ്പാടിയില് ഭാര്യക്ക് നേരെ.
നമ്പി രാജേഷിന്റെ കുടുംബത്തിന് നഷ്ടപരിഹാരം ലഭ്യമാക്കാന് ഇടപെടണം’; കേന്ദ്രത്തിന് കത്തയച്ച് മന്ത്രിതിരുവനന്തപുരം: അന്തരിച്ച നമ്പി രാജേഷിന്റെ കുടുംബത്തിന് എയര്.
Leave a Comment