പള്ളിക്കര: ഇസ്ലാമിക സംസ്‌കാരത്തിന്റെ പ്രഭവ കേന്ദ്രങ്ങളാണ് പള്ളികളെന്നും ഇസ്ലാമിന്റെ തനതായ സന്ദേശം ജനങ്ങള്‍ക്ക് പകര്‍ന്നു നല്‍കാന്‍ പള്ളികളിലൂടെ സാധ്യമാവണമെന്നും പാണക്കാട് സയ്യിദ് ഹൈദരലി ശിഹാബ് തങ്ങള്‍ പറഞ്ഞു. പുതുക്കി പണിത പള്ളിക്കര തൊട്ടി മുഹ്യുദ്ദീന്‍ ജുമുഅത്ത് പള്ളി ഉദ്ഘാടനം ചെയ്ത് സംസാരിക്കുകയായിരുന്നു തങ്ങള്‍. എല്ലാ പള്ളികളും അല്ലാഹുവിന്റെ ഭവനങ്ങളാണ്. പള്ളികളില്‍ ഇബാദത്തിനായി നമ്മുടെ സമയം ചെലവഴിച്ചാല്‍ അതിന്റെ പ്രതിഫലം നമുക്ക് ലഭിക്കും. ഇസ്ലാമിന്റെ സാംസ്‌കാരിക പൈതൃകം സംരക്ഷിക്കേണ്ടത് പള്ളികളെ പരിപാലിക്കുന്നതിലൂടെയാവണം. പരമ്പരാഗത വിശ്വാസങ്ങളും ആചാരങ്ങളും പള്ളികളിലൂടെയും പള്ളിദര്‍സുകളിലൂടെയുമാണ് ലോകത്ത് പ്രചരിച്ചത്. അവ നിലനിന്നാലെ എല്ലാ മതവിശ്വാസികള്‍ക്കും ഇസ്ലാമിനെ കുറിച്ച് അടുത്തറിയാന്‍ സാധിക്കുകയുള്ളൂ അദ്ദേഹം പറഞ്ഞു.
ജമാഅത്ത് കമ്മിറ്റി പ്രസിഡണ്ട് തൊട്ടി സാലിഹ് ഹാജി അധ്യക്ഷത വഹിച്ചു. ജനറല്‍ സെക്രട്ടറി ഹംസ ബേങ്ക് സ്വാഗതം പറഞ്ഞു. ഹാഫിള് അസീം ഹഫീള് തൊട്ടി ഖിറാഅത്ത് നടത്തി. ചടങ്ങില്‍ പഴയ കാലജമാഅത്ത് കമ്മിറ്റി പ്രസിഡണ്ട്, ജനറല്‍ സെക്രട്ടറിമാരായ സി.എച്ച് കുഞ്ഞഹമ്മദ് ഹാജി, ആഫ്രിക്ക കുഞ്ഞബ്ദുല്ല, മുഹമ്മദ് കുഞ്ഞി കായിഞ്ഞി ഹാജി, തൊട്ടി മുഹമ്മദ് കുഞ്ഞി മൗലവി, മമ്മിണി ഫ്രൂട്ട്, ഹുസൈനാര്‍ അബ്ദുല്‍ ഖാദര്‍ മുക്രി, അബ്ദുല്‍ റഹിമാന്‍ മമ്മുഞ്ഞി, ടി.എ കുഞ്ഞബ്ദുല്ല അഹമ്മദ്, ടി.എം ഇസ്മായില്‍ അഹമ്മദ്, ടി.എ മുഹമ്മദ് കുഞ്ഞി, മുഹമ്മദ് കുഞ്ഞി മൊയ്തു ഹാജി എന്നിവരെ ചടങ്ങില്‍ ആദരിച്ചു. സോവനീര്‍ ഹൈദരലി തങ്ങള്‍ പ്രകാശനം ചെയ്തു. അസീസ് മാളികയില്‍ ഏറ്റുവാങ്ങി. പള്ളിക്കര സംയുക്ത ജമാഅത്ത് ഖാസി പൈവളിഗെ അബ്ദുല്‍ ഖാദര്‍ മുസ്ലിയാര്‍ അനുഗ്രഹ ഭാഷണം നടത്തി. കെ.കെ മാഹിന്‍ മുസ്ലിയാര്‍ തൊട്ടി, തൊട്ടി ഖത്തീബ് സുഹൈര്‍ അസ്ഹരി പള്ളങ്കോട്, അബ്ദുല്‍ ലത്തീഫ് ഫൈസി പുനൂര്‍ പ്രഭാഷണം നടത്തി. എസ്.വൈ.എസ് സംസ്ഥാന ട്രഷറര്‍ മെട്രോ മുഹമ്മദ് ഹാജി, തൊട്ടി സദര്‍ മുഅല്ലിം ഹംസ മുസ്ലിയാര്‍, പള്ളിപ്പുഴ ഖത്തീബ് ഷാഹുല്‍ ഹമീദ് മുസ്ലിയാര്‍, പൂച്ചക്കാട് ഖത്തീബ് മുഹമ്മദ് ഷരീഫ് അഷ്റഫി, കല്ലിങ്കാല്‍ ഖത്തീബ് അബ്ദുല്‍ റസാഖ് അല്‍ മിസ്ബാഹി, പള്ളിക്കര സംയുക്ത ജമാഅത്ത് പ്രസിഡണ്ട് പി.എ. അബൂബക്കര്‍ ഹാജി, ജനറല്‍ സെക്രട്ടറി ടി.പി. കുഞ്ഞബ്ദുല്ല ഹാജി, ട്രഷറര്‍ കാരയില്‍ മൊയ്തു ഹാജി, മദ്രസ മാനേജ്മെന്റ് പള്ളിക്കര റൈഞ്ച് പ്രസിഡണ്ട് ഹമീദ് തൊട്ടി, ജനറല്‍ സെക്രട്ടറി സിദ്ദീഖ് പള്ളിപ്പുഴ, ജമാഅത്ത് കമ്മിറ്റി ട്രഷറര്‍ ഹംസ തൊട്ടി പ്രസംഗിച്ചു.
രാത്രി ബുര്‍ദ്ദ മജ്ലിസിന് ഹാഫിള് സാദിഖ് അലി അല്‍ ഫാളിലി ഗുഡല്ലൂര്‍ നേതൃത്വം നല്‍കി. ഇന്ന് (തിങ്കളാഴ്ച) ഏഴു മണിക്ക് മതപ്രഭാഷണം സമസ്ത ജില്ലാ ജനറല്‍ സെക്രട്ടറി യു.എം അബ്ദുല്‍ റഹിമാന്‍ മുസ്ലിയാര്‍ ഉദ്ഘാടനം ചെയ്യും. കെ.എം അബ്ദുല്‍ റഹിമാന്‍ ഹാജി അധ്യക്ഷത വഹിക്കും. ജമാഅത്ത് കമ്മിറ്റി സെക്രട്ടറി മുനീര്‍ തമന്ന സ്വാഗതം പറയും. ഹാഫിള് തംജീദ് തൊട്ടി ഖിറാഅത്ത് നടത്തും. ഹാഫിള് ഇ.പി അബൂബക്കര്‍ അല്‍ ഖാസിമി പത്തനാപുരം പ്രഭാഷണം നടത്തും. നാളെ രാത്രി എ.എം നൗഷാദ് ബാഖവി ചിറയന്‍കീഴ് പ്രഭാഷണം നടത്തും. നീലേശ്വരം ഖാസി ഇ.കെ മഹമൂദ് മുസ്ലിയാര്‍ ഉദ്ഘാടനം ചെയ്യും. കെ.എം സാലിഹ് അധ്യക്ഷത വഹിക്കും. അബ്ദുല്‍ റഹിമാന്‍ ഹുദവി സ്വാഗതം പറയും. ഹാഫിള് മുഹമ്മദ് അന്‍സ്വഫ് തൊട്ടി ഖിറാഅത്ത് നടത്തും.
more recommended stories
അഞ്ചാം ഘട്ട വോട്ടെടുപ്പില് പോളിംഗ് മന്ദഗതിയില്, ഉച്ചവരെ 24.23 ശതമാനംദില്ലി: ലോക്സഭ തെരഞ്ഞെടുപ്പ് അഞ്ചാം ഘട്ട.
ആകാശയാത്രയില് 35കാരിക്ക് രക്ഷകനായി മലയാളി ഡോക്ടര്ബുധനാഴ്ച രാവിലെ 6.10ന് ചെന്നൈയില് ഡോ..
തോയമ്മല് യുവജന സമിതിയുടെ പ്രവര്ത്തന ഫണ്ട് ഉല്ഘാടനം ചെയ്തു.പ്രശസ്ത ദേശീയ പുസ്കാര ജേതാവ് ശ്രീ സെന്ന.
രണ്ട് ചക്രവാതച്ചുഴി, ന്യൂനമര്ദ്ദ പാത്തി; കേരളത്തില് 5 ദിവസം ഇടിമിന്നലോടെ ശക്തമായ മഴ, 50 കി.മി വേഗതയില് കാറ്റുംതിരുവനന്തപുരം: കേരളത്തില് അടുത്ത അഞ്ച് ദിവസം.
Leave a Comment