ബെംഗളൂരു: ഗൗരി ലങ്കേഷ് വധത്തിനു പിന്നിലെ പ്രതികളുടെ രേഖാചിത്രം പ്രത്യേക അന്വേഷണ സംഘം പുറത്തു വിട്ടു. ബെംഗളൂരുവില് ചേര്ന്ന വാര്ത്താ സമ്മേളനത്തിലാണ് രേഖാചിത്രങ്ങള് പുറത്തു വിട്ടത്. ദൃക്സാക്ഷി മൊഴികളുടെ അടിസ്ഥാനത്തില് രണ്ട് പ്രതികളുടെ മൂന്ന് ചിത്രങ്ങളാണ് ഉദ്യോഗസ്ഥര് പുറത്തു വിട്ടത്. വ്യത്യസ്തദൃക്സാക്ഷി വിവരണത്തിന്റെ അടിസ്ഥാനത്തില് വരച്ച ചിത്രങ്ങളാണ് ഇവ. ഇവര് കുറ്റകൃത്യത്തില് നേരിട്ട് പങ്കെടുത്തവരാണെന്ന് പോലീസ് വ്യക്തമാക്കി. പ്രതികളെ പിടികൂടാന് പൊതുജനങ്ങളുടെ സഹകരണം ആവശ്യമാണ്. അതുകൊണ്ടാണ് പ്രതികളുടെ രേഖാചിത്രം പുറത്തുവിടുന്നതെന്നുംപ്രത്യേക അന്വേഷണ സംഘത്തിലെ ഉദ്യോഗസ്ഥനായ ബികെ സിങ് വ്യക്തമാക്കി.
പ്രതികളിലൊരാളുടെ നെറ്റിയില് കുറി വരച്ചിട്ടുണ്ടായിരുന്നു. എന്നാല് പ്രതികള് ധരിച്ചിരുന്ന കമ്മലിന്റേയോ നെറ്റിയിലെ കുറിയുടേയോ അടിസ്ഥാനത്തില് പ്രതികളുടെ മതമോ ബന്ധമോ ഉറപ്പാക്കാനാവില്ല. അവ അന്വേഷണ സംഘത്തെ തെറ്റിദ്ധരിപ്പിക്കാന് വേണ്ടി ചെയ്തതാണെന്നാണ് പോലീസ് കരുതുന്നതെന്നുംബികെ സിങ് പറഞ്ഞു. വധത്തിനു പിന്നില് സനാഥന് സന്സ്ഥയാണെന്ന പ്രചരണം മാധ്യമങ്ങളില് മാത്രമേ ഉള്ളൂ. പ്രതികള്ക്ക് ഏതെങ്കിലു സംഘടനയുമായി ബന്ധമുണ്ടോ എന്ന് ഇതുവരെ തെളിഞ്ഞിട്ടില്ല. ഗൗരി ലങ്കേഷിന്റെ വീട്ടിന്റെ സമീപത്തു നിനിന്നുള്ള സിസിടിവി ദൃശ്യങ്ങള് ഞങ്ങള് പരിശോധിച്ചു. ധബോല്ക്കര് വധവുമായി പ്രതികള്ക്ക് ബന്ധമുള്ളതായി ഇതുവരെ വ്യക്തമായിട്ടില്ലെന്നും അന്വേഷണ ഉദ്യോഗസ്ഥര് ബികെ സിങ് വ്യക്തമാക്കി. സെപ്തംബര് അഞ്ചിനാണ് സ്വന്തംവസതിയില് ഗൗരി ലങ്കേഷ് അജ്ഞാതരുടെ വെടിയേറ്റ് കൊല്ലപ്പെട്ടത്. കൊലപാതകം നടന്ന് 40 ദിവസത്തിന് ശേഷമാണ് കൊലപാതക കേസിലെ പ്രതികളുടെ ചിത്രം അന്വേഷണ സംഘം പുറത്തു വിട്ടത്.
more recommended stories
-
നടപടി ആവശ്യപ്പെട്ട് കാസര്കോട് ജില്ലാ കളക്ടര്
കാഞ്ഞങ്ങാട് റയില്വേ സ്റ്റേഷനിലെ ഒന്നാം പ്ലാറ്റ്ഫോമിനോട് ചേര്ന്ന.
-
കാസര്ഗോഡ് , അമ്പലത്തറയില് സി പി എം നേതാക്കള്ക്ക് നേരെ സ്ഫോടകവസ്തു എറിഞ്ഞു
കാസര്ഗോഡ് അമ്പലത്തറ പോലീസ് സ്റ്റേഷന് പരിധിയിലെ.
-
പടന്നക്കാട് പത്തു വയസ്സുകാരിയെ ശാരീരികമായി ഉപദ്രവിച്ച കേസ് പ്രതിക്കായി അന്വേഷണം ഊര്ജ്ജിതം
കുടക് സ്വദേശിയായ പ്രതി കര്ണ്ണാടകയിലേക്ക് കടന്നതായാണ് സൂചന.സംഭവം.
-
മഴക്കാല ശുചീകരണം നടത്തി
ബോവിക്കാനം:-ശ്രീ ശാസ്താ ക്ലബ് പന്ത്രണ്ടാം വാര്ഡ്.
Leave a Comment