തിരുവനന്തപുരം: സംസ്ഥാന സര്ക്കാര് അതീവ ഗുരുതരമായ സാമ്പത്തിക പ്രതിസന്ധിയിലേക്ക് നീങ്ങുന്നു. വായ്പ തിരിച്ചടവിന് 800 കോടിയോളം മാറ്റിവെയ്ക്കേണ്ടി വരുന്നതും പെന്ഷന് കുടിശ്ശിക നല്കാന് 79 കോടി രൂപയും ക്ഷേമ പെന്ഷനുകള്ക്കായി 1500 കോടി രൂപയും ആവശ്യമായി വരുന്നതോടെ അടുത്തമാസം സാമ്പത്തിക ഞെരുക്കം കൂടുമെന്നാണ് വിലയിരുത്തല് അടുത്ത മാസത്തെ ശമ്പളം, പെന്ഷന് വിതരണവും അനിശ്ചിതത്വത്തിലാകും. സ്ഥിതി രൂക്ഷമാകുന്നതോടെ ട്രഷറികളില് ബില്ലുകള് പാസാക്കി നല്കുന്നതില് കടുത്ത നിയന്ത്രണം ഏര്പ്പെടുത്തിയിരിക്കുകയാണിപ്പോള്. പരമാവധി 20400 കോടി രൂപയാണ് ഈ വര്ഷം കടമെടുക്കാന് സംസ്ഥാന സര്ക്കാറിന് അനുമതിയുള്ളത്. ഇതില് ഈ വര്ഷം 14,000 കോടി ഇതുവരെ കടമെടുത്തുകഴിഞ്ഞു. കഴിഞ്ഞ വര്ഷം 6000 കോടി രൂപ അധിക വായ്പയെടുത്തിരുന്നു. ഈ തുക കൂടി ഇത്തവണത്തെ വായ്പാപരിധിയില് ഉള്പ്പെടുത്തിയതോടെ ഇനിയുള്ള നാലര മാസം സംസ്ഥാന സര്ക്കാരിനു കടമെടുക്കാനാവുന്ന പരമാവധി തുക 400 കോടി മാത്രമാണ്. പ്രതിസന്ധി രൂക്ഷമായ സാഹചര്യത്തില് ധനകാര്യ സെക്രട്ടറിയുടെ അധ്യക്ഷതയില് കഴിഞ്ഞ ദിവസം ഉന്നതതല യോഗം ചേര്ന്നിരുന്നു. കഴിഞ്ഞ വര്ഷം അധികമായി കടമെടുത്ത 6000 കോടി ഇത്തവണത്തെ കണക്കില് ഉള്പ്പെടുത്തരുതെന്നു കാണിച്ചു കേന്ദ്രത്തിനു കത്തയയ്ക്കാനാണ് യോഗത്തില് തീരുമാനിച്ചത്. നിലവില് 10 ലക്ഷം രൂപ വരെയുള്ള ബില്ലുകള് മാത്രം പാസാക്കി നല്കിയാല് മതിയെന്നാണു ട്രഷറികള്ക്ക് നിര്ദ്ദേശം നല്കിയിരിക്കുന്നത്. 25 ലക്ഷത്തിനു മുകളിലുള്ള എല്ലാ ബില്ലുകളും പ്രത്യേക അനുമതിയോടെ പാസാക്കിയാല് മതിയെന്നും നിര്ദേശമുണ്ട്.
more recommended stories
-
ഡോക്ടർ ഹസീന ഹനീഫിന്റെ സേവനം കാസർകോട് വിൻടച്ച് മൾട്ടി സ്പെഷ്യാലിറ്റി ഹോസ്പിറ്റലിൽ എല്ലാ ദിവസവും
കാസർകോട്: ഇന്ത്യയിലും വിദേശത്തുമായി 25 വർഷത്തോളം സേവന.
-
ചേര്ത്തലയില് ഭാര്യയെ ഭര്ത്താവ് കുത്തിക്കൊന്നു
ആലപ്പുഴ: ചേര്ത്തല പള്ളിപ്പുറത്ത് ഭാര്യയെ ഭര്ത്താവ്.
-
അഴിമതിക്കെതിരെ പോരാടിയവര് ഇപ്പോള് അഴിമതിക്കേസില് പ്രതി’: കെജ്രിവാളിനെതിരെ മോദി
ദില്ലി: ദില്ലി മുഖ്യമന്ത്രി അരവിന്ദ് കെജ്രിവാളിനെതിരെ രൂക്ഷവിമര്ശനവുമായി.
-
ഹജ്ജ് ക്ലാസ്സും യാത്രയയപ്പും നല്കി മുസ്ലിം ലീഗ് മൊഗ്രാല് പുത്തൂര് പഞ്ചായത്ത് കമ്മിറ്റി
മൊഗ്രാല് പുത്തൂര് : മൊഗ്രാല് പഞ്ചായത്ത്.
Leave a Comment