കാസര്‍കോട്: കഞ്ചാവുമായി യുവാവിനെ പോലീസ് അറസ്റ്റു ചെയ്തു. സ്‌കൂട്ടര്‍ കസ്റ്റഡിയിലെടുത്തു. ഉദുമ നാലാംവാതുക്കലില്‍ താമസക്കാരനായ മുനവ്വര്‍ കാസിം എന്ന മുന്ന (23)യെയാണ് കാസര്‍കോട് സിഐ അബ്ദുര്‍ റഹീമിന്റെ നിര്‍ദേശപ്രകാരം എസ് ഐ അജിത് കുമാറിന്റെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്.
രഹസ്യവിവരം ലഭിച്ചതിന്റെ അടിസ്ഥാനത്തില്‍ ചൊവ്വാഴ്ച ഉച്ചയ്ക്ക് അടുക്കത്ത്ബയലില്‍ വെച്ചാണ് യുവാവിനെ പോലീസ് കഞ്ചാവുമായി പിടികൂടിയത്. സ്‌കൂട്ടറിനടിയില്‍ ഒളിപ്പിച്ച നിലയില്‍ 1.100 കിലോ ഗ്രാം കഞ്ചാവാണ് പോലീസ് പിടിച്ചെടുത്തത്. യുവാവിന്റെ കെഎല്‍ 60 എന്‍ 3041 നമ്പര്‍ യമഹ റേ സ്‌കൂട്ടറും പോലീസ് കസ്റ്റഡിയിലെടുത്തു. നേരത്തെ കാസര്‍കോട് ഗവ. കോളജിലെ രണ്ടു പേരെ കഞ്ചാവുമായി പോലീസ് അറസ്റ്റു ചെയ്തിരുന്നു. ഈ സംഘത്തില്‍ നിന്നും ഓടിരക്ഷപ്പെട്ട പ്രതിയാണ് മുനവ്വറെന്ന് പോലീസ് പറഞ്ഞു.
മുനവ്വറിന്റെ ഫോണില്‍ നിന്നും ലഭിച്ച നമ്പറില്‍ ആവശ്യക്കാരെ അതിവിദഗ്ദ്ധമായി വിളിച്ചുവരുത്തി അവരെയും പോലീസ് അറസ്റ്റു ചെയ്തു. നെല്ലിക്കുന്നിലെ അഷ്റഫ് (47), ബേക്കലിലെ ആഷിഖ് (19) എന്നിവരെയാണ് പോലീസ് അറസ്റ്റു ചെയ്തത്. മംഗളൂരുവില്‍ നിന്നും കഞ്ചാവെത്തിച്ച് വില്‍പന നടത്തുന്ന സംഘത്തിലെ കണ്ണിയാണ് മുനവ്വറെന്ന് പോലീസ് പറഞ്ഞു. നിരവധി പേര്‍ക്കാണ് ദിനംപ്രതി മുനവ്വര്‍ കഞ്ചാവെത്തിച്ചുനല്‍കിയിരുന്നത്. പ്രതിയെ പിടികൂടിയ പോലീസ് സംഘത്തില്‍ എസ്ഐ ഗംഗാധരന്‍, സിപിഒമാരായ സുരേഷ്, ചെറിയാന്‍ എന്നിവരും ഉണ്ടായിരുന്നു.
more recommended stories
കടയില് കയറിനില്ക്കവേ ഷോക്കേറ്റ് യുവാവ് മരിച്ച സംഭവം; കെഎസ്ഇബിയുടെ പ്രാഥമിക റിപ്പോര്ട്ട് പുറത്ത്കോഴിക്കോട്: കുറ്റിക്കാട്ടൂരില് കടവരാന്തയിലെ തൂണില് നിന്ന്.
പെരിയാറില് രാസമാലിന്യം കലര്ന്നുമീനുകളുടെ കൂട്ട കുരുതി തുടരുന്നു കര്ഷകര്ക്ക് ലക്ഷങ്ങളുടെ.
കോഴിവില കുതിച്ചുയരുന്നുകാസര്കോട്. കോഴി വില്‍പന വിലയില് കുതിച്ചുകയറ്റം തുടരുന്നു..
കനത്ത മഴയില് വീട് തകര്ന്ന് വീട്ടമ്മ മരിച്ചുപോത്തന്കോട് ഇടത്തറ വാര്ഡില് ശ്രീകല (61).
Leave a Comment