പാലക്കാട്: കേരളത്തില് ചില സ്ഥലങ്ങളില് ജൂണ് 19 മുതല് 22 വരെ തീയതികളില് ശക്തമായതോ അതിശക്തമായതോ ആയ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ച സാഹചര്യത്തില് ജനം അതീവ ജാഗ്രത പാലിക്കണമെന്ന് ജില്ല ദുരന്ത നിവാരണ അതോറിറ്റി ചെയര്മാന്കൂടിയായ ജില്ല കലക്ടര് ഡി. ബാലമുരളി അറിയിച്ചു. 24 മണിക്കൂറില് ഏഴ് മുതല് 11 സെന്റിമീറ്റര് വരെ മഴ പെയ്താല് ശക്തമായതും 12 മുതല് 20 സെന്റിമീറ്റര് അതിശക്തമായ മഴയായിട്ടുമാണ് കണക്കാക്കുന്നത്.
കേരളത്തിലെ നദികളില് വെള്ളപ്പൊക്കത്തിന് സാധ്യതയുണ്ടെന്ന് കേന്ദ്ര ജല കമീഷനും മുന്നറിയിപ്പ് നല്കിയിട്ടുണ്ട്. ശക്തമായ മഴ, പെട്ടെന്നുള്ള വെള്ളപ്പൊക്കം, ഉരുള്പൊട്ടല്, മണ്ണിടിച്ചില് എന്നിവ തുടരുവാന് സാധ്യതയുണ്ട്. അതിനാല് മലയോര മേഖലയിലെ താലൂക്ക് കണ്േട്രാള് റൂമുകള് 24 മണിക്കൂറും പ്രവര്ത്തിക്കും. മഴ ശക്തമായ, വെള്ളപ്പൊക്ക-ഉരുള്പൊട്ടല് സാധ്യതയുള്ള താലൂക്കുകളില് ഉചിതമായ കെട്ടിടങ്ങള് ഏറ്റെടുത്ത് ദുരിതാശ്വാസ ക്യാമ്ബ് സജ്ജമാക്കും. മലയോര മേഖലകളിലേക്ക് രാത്രി ഏഴ് മുതല് രാവിലെ ഏഴ് വരെ ഗതാഗതം നിയന്ത്രിക്കാന് പൊലീസിന് നിര്ദേശം നല്കി.
പ്രദേശവാസികളും വിനോദസഞ്ചാരികളും ജലാശയങ്ങളില് ഇറങ്ങാതിരിക്കാന് ജില്ല ടൂറിസം പ്രമോഷന് കൗണ്സിലിന്റെ (ഡി.ടി.പി.സി) കീഴിലുള്ള മംഗലം, പോത്തുണ്ടി, മലമ്പുഴ, കാഞ്ഞിരപ്പുഴ ഡാമുകളിലും വെള്ളിയാങ്കല്ലിലും തിരുവേഗപ്പുറയിലും ഡി.ടി.പി.സിയും മറ്റിടങ്ങളില് ജലസേചന വകുപ്പും മുന്നറിയിപ്പ് ബോര്ഡുകള് സ്ഥാപിക്കും. ജില്ലയില് ഫയര് ആന്ഡ് റെസ്ക്യൂ വിഭാഗം കണ്ടെത്തിയ അപകട സാധ്യതയുള്ള ജലാശയങ്ങളുടെ പട്ടിക താഴെ കൊടുക്കുന്നു.
മലമ്പുഴ (കല്ലേക്കുളങ്ങര ക്വാറി), പുതുശ്ശേരി (കേരളശ്ശേരി ക്വാറി), പാലക്കാട് നഗരസഭ (കല്പാത്തി ക്ഷേത്രത്തോട് ചേര്ന്നുള്ള പുഴ, നീരാട്ടുകുളം ഗണപതി ടെമ്പിള്), നൂറണി (അയ്യപ്പന്കുളം), അകത്തേത്തറ (ധോണി ക്വാറി മായപുരം), പറളി (കിഴക്കഞ്ചേരി ചെക്ക് ഡാം), അകത്തേത്തറ (ഹേമാംബിക സ്കൂളിനു സമീപമുള്ള പുന്നക്കുളം), മലമ്പുഴ ഡാം, വാളയാര് ഡാം കൂട്ടുപാത പോളിടെക്നിക്, മംഗലം ഡാം, പോത്തുണ്ടി ഡാം, കുഴല്മന്ദം (ചിതലി ക്വാറി), തിരുവില്ലാമല (കുതിപ്പാറ ചെക്ക്ഡാം), പഴയന്നൂര് (ചീരക്കുഴി ചെക്ക് ഡാം), ആലത്തൂര് (എടംപറമ്പ് ചെക്ക് ഡാം), പാത്രക്കടവ്, പാലക്കയം, ഭവാനി പുഴ, കണ്ണംകുണ്ടുപുഴ, കരിമ്പുഴ, സീതാര്കുണ്ട് വെള്ളച്ചാട്ടം, മൂലത്തറ ഡാം, ചുള്ളിയാര് ഡാം, പറമ്പിക്കുളം ഡാം, പാലത്തുള്ളി ചെക്ക് ഡാം, പല്ലശ്ശേന (തേവംകുളം കടവ്), ചിറ്റൂര് (ആറ്റഞ്ചരിക്കുളം), കൊല്ലങ്കോട (അയ്യപ്പന്കുളം, മുതലിയാര് കുളം), പെരുവെമ്പ് (ചൂരക്കോട്), ഷൊര്ണൂര് (ഷൊര്ണൂര് ചെക്ക് ഡാം, ശാന്തിതീരം കടവ്), വാണിയംകുളം (ത്രാങ്ങാലി ചെക്ക് ഡാം), ഒറ്റപ്പാലം (കൂട്ടിലക്കടവ് ചെക്ക് ഡാം), ലെക്കിടി ചെക്ക് ഡാം, ദേശമംഗലം (തിരുമിറ്റക്കടവ് അമ്പലക്കടവ് ചെക്ക് ഡാം), അമ്പലപ്പാറ (മുതലകുളം), ചെര്പ്പുളശ്ശേരി (അയ്യപ്പന്കാവ് കുളം), പനമണ്ണ (മനക്കല് കുളം), ഓങ്ങല്ലൂര് (ഓങ്ങല്ലൂര് കുളം), ആമയൂര് കൊപ്പം (മനക്കുളം), പട്ടാമ്പി (ഞാങ്ങാട്ടിരി അമ്പലക്കുളം), ചിനക്കത്തൂര് അമ്പലക്കുളം, വല്ലപ്പുഴ അമ്പലക്കുളം, പട്ടാമ്പി ഗുരുവായൂര് ക്ഷേത്രക്കടവ് കുളപ്പുള്ളി (അന്തിമഹാകാളന് കടവ് കുളം), ഷൊര്ണൂര് (കുളഞ്ചേരി കുളം), വാണിയംകുളം തെരുവ് കുളം, ഒറ്റപ്പാലം (താമരക്കുളം), ലെക്കിടി പേരൂര് (കുരുടന്കുളം, ആറാട്ട് കുളം), വല്ലപ്പുഴ ക്വാറി, ഷൊര്ണൂര് (പ്രിയനാംപറ്റ ക്വാറി), വാണിയംകുളം (പനയൂര് ക്വാറി, മന്നാവൂര് ക്വാറി), ലെക്കിടി പേരൂര് (മംഗലം ക്വാറി), തൃത്താല ക്വാറി, അമ്പലപ്പാറ (ചുനങ്ങനാട് ക്വാറി, മുരുക്കുംപറ്റ ക്വാറി), ചളവറ(മമ്പട്ടപ്പടി).
more recommended stories
-
കറക്കം ആഡംബര ബൈക്കില്, ഒപ്പം പെണ്സുഹൃത്തും; മലപ്പുറത്തെ ന്യൂജെന് കള്ളനെ ഒടുവില് പൊലീസ് പൊക്കി
മലപ്പുറം: അന്തര്ജില്ലാ മോഷ്ടാവ് പരപ്പനങ്ങാടി ചെട്ടിപ്പടി.
-
കെഎസ്ആര്ടിസി എംഡിക്ക് മന്ത്രി ഗണേഷ് കുമാര് നിര്ദ്ദേശം നല്കി, മെമ്മറി കാര്ഡ് കാണാതായ സംഭവത്തില് കേസ്; പൊലീസ് അന്വേഷണം
തിരുവനന്തപുരം: മേയര് ആര്യാ രാജേന്ദ്രനും കെ.
-
പോക്സോ കേസില് അകത്തായിട്ടും പഠിച്ചില്ല, 9 വയസുകാരിയെ ചൂഷണം ചെയ്തു; 44 കാരന് ഇത്തവണ 93 വര്ഷം കഠിന തടവ്, പിഴയും
പെരിന്തല്മണ്ണ: മലപ്പുറത്ത് പോക്സോ കേസില് ശിക്ഷിക്കപ്പെട്ട പ്രതി.
-
കുമ്പള കഞ്ചിക്കട്ട പാലം അടച്ചിട്ട നടപടി; യുഡിഎഫ് കുമ്പള പഞ്ചായത്ത് കമ്മിറ്റിയുടെ കളക്ടറേറ്റ് ധര്ണ ശനിയാഴ്ച
കുമ്പള: കുമ്പള കഞ്ചിക്കട്ട പാലം അടച്ചിട്ട് ജനങ്ങളെ.
Leave a Comment