ജിഷ്ണു പ്രണോയ് കേസില് സിബിഐ അന്വേഷണം ആരംഭിച്ചു. നാദാപുരത്ത് ക്യാമ്പ് ഓഫീസ് തുടങ്ങിയ സിബിഐ സംഘം ജിഷ്ണുവിന്റെ വീട്ടില് എത്തി മാതാപിതാക്കളുടെ മൊഴിയെടുത്തു. അന്വേഷണത്തില് തൃപ്തിയുണ്ടെന്ന് മൊഴി നല്കിയ ശേഷം കുടുംബം പ്രതികരിച്ചു.
വ്യാഴാഴ്ച ഉച്ചയോടെയാണ് കൊച്ചിയില് നിന്നുളള സി ബി ഐ സംഘം ജിഷ്ണുവിന്റെ വളയത്തെ വീട്ടില് എത്തിയത്. അച്ഛന് അശോകന്, അമ്മ മഹിജ എന്നിവരില് നിന്ന് സി ബി ഐ സംഘം മൂന്ന് മണിക്കൂറോളം സമയമെടുത്ത് മൊഴി രേഖപ്പെടുത്തി.
കൊച്ചി യൂണിറ്റിലെ സി ഐ, പി വി സുരേഷ്, ഇന്സ്പെക്ടര്മാരായ ജിജോ, ജോണ്സണ് എന്നിവരാണ് മൊഴിയെടുത്തത്. സിബിഐ അന്വേഷണത്തില് തൃപ്തിയുണ്ടെന്ന് മൊഴിയെടുക്കലിന് ശേഷം ജിഷ്ണുവിന്റെ അമ്മ മഹിജ പറഞ്ഞു.
ക്രൈംബ്രാഞ്ച് കണ്ടെടുത്ത ജിഷ്ണുവിന്റെ ആത്മഹത്യാ കുറിപ്പ് വ്യാജമാണെന്ന് ഇവര് മൊഴി നല്കി. ഇത് വ്യക്തമാകാനായി ജിഷ്ണു എഴുതിയ നോട്ട്ബുക്കും കൈമാറി.
സി ബി ഐ അന്വേഷണം കൊണ്ട് പ്രയോജനം ഉണ്ടാകില്ലെന്ന് കാട്ടി ഇവര്ക്ക് ലഭിച്ച് ഊമകത്തുകളും സി ബി ഐ ക്ക് നല്കിയിട്ടുണ്ട്. മരണ ദിവസം പാമ്പാടി നെഹ്റു കോളേജില് പോയ ജിഷ്ണുവിന്റെ കുടുംബാംഗങ്ങളില് നിന്നടക്കം വരും ദിവസങ്ങളില് സിബിഐ സംഘം മൊഴിയെടുക്കും.
more recommended stories
-
കുടിവെള്ളക്ഷാമ രൂക്ഷം ആശ്വാസമായി ആസ്ക് ആലംപാടി കുടിവെള്ള വിതരണം
ആലംപാടി : ആലംപാടിയിലും പരിസരപ്രദേശങ്ങളിലും കുടിവെള്ളക്ഷാമം.
-
ഇടിയോടും കാറ്റോടും കൂടിയ മഴ; ഇന്ന് 2 ജില്ലകളില് ഓറഞ്ച് അലര്ട്ട്, മത്സ്യബന്ധനത്തിന് വിലക്ക്
തിരുവനന്തപുരം: സംസ്ഥാനത്ത് ഇന്ന് മുതല് തീവ്രമഴയ്ക്ക്.
-
കണ്ണൂരില് വന്ലഹരി വേട്ട; രണ്ട് യുവാക്കള് അറസ്റ്റില്
കണ്ണൂര്: കണ്ണൂര് താളിക്കാവില് ലഹരി വസ്തുക്കള്.
-
യാത്ര ചുരുക്കി; മുഖ്യമന്ത്രി തിങ്കളാഴ്ച തിരിച്ചെത്തും
സിംഗപ്പൂര് സന്ദര്ശനത്തിനായി ഈ മാസം ആറിന്.
Leave a Comment