കാഞ്ഞങ്ങാട്: നീലേശ്വരം നഗരസഭ ഹരിത കേരളം മിഷന്റെ രണ്ടാം വാര്‍ഷികത്തോടനുബന്ധിച്ച് ‘ജലജീവനം അതിജീവനത്തിന്’ പരിപാടിയുടെ ഭാഗമായി ജലസംരക്ഷണ പ്രവര്‍ത്തനങ്ങള്‍ക്ക് തുടക്കം കുറിച്ചു. 1957 ലെ ഇ.എം.എസ്. മന്ത്രിസഭയിലെ ജലസേചന വകുപ്പ് മന്ത്രിയായിരുന്ന ജസ്റ്റിസ് വി.ആര്‍. കൃഷ്ണയ്യര്‍ ഉദ്ഘാടനം നിര്‍വ്വഹിച്ച പാലായി വള്ളിക്കുന്നുമ്മല്‍ കുളത്തിന്റെ നവീകരണ പ്രവര്‍ത്തനമാണ് നടത്തിയത്. നവീകരണ പ്രവൃത്തിയുടെയും, ശുചീകരണത്തിന്റെയും ഉദ്ഘാടനം നഗരസഭാ ചെയര്‍മാന്‍ പ്രൊഫ: കെ.പി.ജയരാജന്‍ നിര്‍വ്വഹിച്ചു. ജലസേചനത്തിന് ഏറ്റവും അധികം ഉപയോഗപ്പെടുന്ന വള്ളിക്കുന്നുമ്മല്‍ കുളം പുനര്‍ നിര്‍മ്മിക്കുക വഴി ജനങ്ങളുടെ ചിരകാല അഭിലാഷമാണ് പൂവണിയുന്നത്.
ചടങ്ങില്‍ കൗണ്‍സിലര്‍ പി. മനോഹരന്‍ അധ്യക്ഷത വഹിച്ചു. നഗരസഭാ സെക്രട്ടറി ടി. മനോജ് കുമാര്‍, റവന്യൂ ഇന്‍സ്പെക്ടര്‍.കെ. മനോജ് കുമാര്‍, ടി.വി രാമകൃഷ്ണന്‍, കെ .പി ഗംഗാധരന്‍, ഒ.പി. വി.ദിവാകരന്‍, രൂപേഷ് ജെ.എച്ച്.ഐ തുടങ്ങിയവര്‍ ആശംസാപ്രസംഗം നടത്തി. പരിപാടിക്ക് കെ.വി.കുഞ്ഞികൃഷ്ണന്‍ സ്വാഗതവും ടി.വി.രാജന്‍ നന്ദിയും പറഞ്ഞു.
more recommended stories
മഞ്ചേശ്വരം മച്ചമ്പാടിയില് വന് കവര്ച്ചപ്രവാസിയായ ഇബ്രാഹിം ഖലീലിന്റെ വീട്ടിലാണ് മോഷണം.
ഉദ്ഘാടനം കഴിഞ്ഞ് വര്ഷങ്ങള്; ലക്ഷ്യം കാണാതെ പാലായി റഗുലേറ്റര് കം ബ്രിഡ്ജ്നീലേശ്വരം; ഉദ്ഘാടനം കഴിഞ്ഞ് വര്ഷങ്ങള് പിന്നിട്ടിട്ടും.
55,000 കടന്ന് സ്വര്ണ്ണ വിലതിരുവനന്തപുരം: ചരിത്രത്തിലെ ഏറ്റവും വലിയ വിലയില് സ്വര്ണം..
കാസര്കോട് പള്ളിക്കരയില് എട്ടാംതരം വിദ്യാര്ഥിനി കുഴഞ്ഞു വീണു മരിച്ചു.പള്ളിക്കര പഞ്ചായത്തിലെ തൊട്ടി കിഴക്കേക്കരയിലെ തായത്ത്.
Leave a Comment