ദില്ലി : പാകിസ്ഥാന്റെ പിടിയിലായ ഇന്ത്യന് വിങ് കമാന്ഡര് അഭിനന്ദന് വര്ധമാനെ വിട്ടയക്കണമെന്ന ആവശ്യവുമായി ഇന്ത്യ. നയതന്ത്ര ഇടപെടല് ഉണ്ടായാല് പിടിയിലായ സൈനികനെ ഒരാഴ്ചയ്ക്കം വിട്ടയക്കണമെന്നാണ് ജനീവ കരാര് നിര്ദേശം. വ്യോമസേനയുടെ പ്രത്യേക പരിശീലനം നേടിയ സുര്യ കിരണ് അംഗമായ വിങ്ങ് കമന്ഡര് അഭിനന്ദന് വര്ധമാനെ കരാര് പാലിച്ച് വിട്ടയ്ക്കണമെന്നാണ് ഇന്ത്യ, പാകിസ്ഥാനോട് ആവശ്യപ്പെടുന്നത്.
1949 ലെ ജനീവ കരാര് പ്രകാരം യുദ്ധത്തിലോ പട്ടാള നടപടികള്ക്കിടയിലോ കസ്റ്റഡിയിലാകുന്ന സൈനികര് യുദ്ധ തടവുകാരനാണ്. റാങ്ക് അനുസരിച്ചുള്ള പരിഗണന നല്കി വേണം കസ്റ്റഡിയില് വയ്ക്കാന്. കുടുംബാംഗങ്ങളുമായി സംസാരിക്കാനുളള അവസരം, ഭക്ഷണം ചികില്സാ സൗകര്യങ്ങള് എന്നിവ നല്കണം. യാതൊരു തരത്തിലുളള പരിക്കും ഏല്പിക്കരുത്. പാക് കസ്റ്റഡിയിലുള്ള വൈമാനികനെ വിട്ടു കിട്ടാന് ജനീവ കരാറാണ് ഇന്ത്യ ചൂണ്ടിക്കാണിക്കുന്നത്.
1971 ല് ബംഗ്ലാദേശ് -യുദ്ധകാലത്ത് തടവിലായ പാക് സൈനികരെ വിട്ടയച്ച് ഇന്ത്യ മാതൃക കാട്ടി. കാര്ഗില് ഓപ്പറേഷനിടയില് കസ്റ്റഡിയിലെടുത്ത വൈമാനികന് കെ നാച്ചികേതയെ പാകിസ്ഥാന് എട്ടു ദിവത്തിനകം വിട്ടയച്ചു. 2008 ലെ ഇന്ത്യ – പാക്ക് കരാര് അനുസരിച്ചും അഭിനന്ദനെതിരെ പാക് സിവില് – പട്ടാള കോടതികള്ക്ക് കേസ് നടത്താനോ ശിക്ഷിക്കാനോ കഴിയില്ല.
മുന് വ്യോമസേന ഉദ്യോഗസ്ഥനാണ് അഭിനന്ദന്റെ പിതാവ്. ഭാര്യയും വ്യോമസേനയില് പൈലറ്റായിസേവനമനുഷ്ഠിച്ചിട്ടുണ്ട്. അഭിന്ദിന്റെ കുടുംബം ചെന്നൈയില് സ്ഥിര താമസിക്കിയതാണ്. അഭിനന്ദനെ വിട്ടുകിട്ടണമെന്നാണ് കുടുംബം ഒന്നാകെ ആവശ്യപ്പെടുന്നത്. ഇതിനായി നയതന്ത്ര തലത്തില് ശക്തം നീക്കമാക്കിയിരിക്കുകയാണ് ഇന്ത്യ.
ഇന്നലെ രാവിലെ വ്യോമാതിര്ത്തി കടന്നു വന്ന പാക് പോര്വിമാനങ്ങളെ തുരത്തിയോടിക്കുന്നതിനിടയിലാണ് ഇന്ത്യന് വ്യോമസേനയുടെ മിഗ്-21 വിമാനം അതിര്ത്തിയില് തകര്ന്നു വീണത്. അപകടത്തില് നിന്ന് പൈലറ്റ് അഭിനന്ദന് രക്ഷപ്പെട്ടെങ്കിലും അദ്ദേഹവും വിമാനവും ചെന്നു പതിച്ചത് പാക് അധീന കശ്മീരിലായിരുന്നു.
ജനീവ ഉടമ്പടി ഇങ്ങനെ
1949 ലെ ജനീവ കണ്വന്ഷനിലാണ് പ്രിസണേഴ്സ് ഓഫ് വാര് (യുദ്ധ തടവുകാര് അല്ലെങ്കില് സൈനിക തടവുകാര്) സംബന്ധിച്ച അന്താരാഷ്ട്ര തലത്തില് പാലിക്കേണ്ടി നിയമങ്ങള് ധാരണയാകുന്നത്. യുദ്ധ തടവുകാരുടെ അവകാശങ്ങള്, അവരോട് എങ്ങനെയാണ് പെരുമാറേണ്ടത്, അവരെ വിട്ടയ്ക്കുന്നത് സംബന്ധിച്ച് എന്നിങ്ങനെയുള്ള കാര്യങ്ങളിലെല്ലാം ജനീവ കണ്വന്ഷന് പ്രകാരം ധാരണ നിലവിലുണ്ട്.
രണ്ട് രാജ്യങ്ങള് തമ്മില് പ്രശ്നത്തിലായിരിക്കുമ്ബോള് എതിരാളിയുടെ കൈയില് അകപ്പെടുന്നവരെയാണ് യുദ്ധ തടവുകാരെന്ന് പറയുന്നതെന്ന് ഇന്റര്നാഷണല് കമ്മിറ്റി ഓഫ് റെഡ്ക്രോസ് വിശദീകരിക്കുന്നു. രാജ്യാന്തര മനുഷ്യാവകാശ നിയമങ്ങള് യുദ്ധ തടവുകാര്ക്ക് ഉറപ്പാക്കുന്നതാണ് ജനീവ ഉടമ്ബടി.
അഭിനന്ദനോട് പാക്കിസ്ഥാന് എങ്ങനെ പെരുമാറണം ജനീവ ഉടമ്പടി ഇങ്ങനെ
ജനീവ ഉടമ്ബടി പ്രകാരം ഇപ്പോള് പാകിസ്ഥാന്റെ കസ്റ്റഡിയിലുള്ള അഭിനന്ദന് അപായരഹിതനാണെന്ന് ഉറപ്പാക്കേണ്ടത് അവരുടെ ഉത്തരവാദിത്വമാണ്. മനുഷ്യത്വം ഉറപ്പാക്കി വേണം യുദ്ധതടവുകാരോട് പെരുമാറേണ്ടതെന്ന് ജനീവ ഉടമ്ബടി നിഷ്കര്ഷിക്കുന്നു. ബലപ്രയോഗം നടത്തുക, ക്രൂരമായി ഉപദ്രവിക്കുക, അപമാനിക്കുക, ഭയപ്പെടുത്തുക എന്നിങ്ങനെയൊന്നും അവരോട് ചെയ്യാന് പാടില്ല.
താമസം, ഭക്ഷണം, വസ്ത്രം, ശുചിത്വം, വൈദ്യസഹായം എന്നിവ ഉറപ്പാക്കുകയും വേണം. യുദ്ധം നടക്കുകയാണെങ്കില് അത് അവസാനിച്ച ശേഷം ഒട്ടും വൈകാതെ വിട്ടയ്ക്കണണെന്നും ജനീവ ഉടമ്ബടിയില് വ്യക്തമാക്കുന്നു. 1999ലെ കാര്ഗില് യുദ്ധത്തിന്റെ സമയത്ത് പാകിസ്ഥാന് സൈന്യത്തിന്റെ കൈയില് അകപ്പെട്ട കെ നചികേതയെ ഒരാഴ്ചയ്ക്ക് ശേഷമാണ് ഇന്ത്യക്ക് കൈമാറിയത്.
more recommended stories
-
ഡോക്ടർ ഹസീന ഹനീഫിന്റെ സേവനം കാസർകോട് വിൻടച്ച് മൾട്ടി സ്പെഷ്യാലിറ്റി ഹോസ്പിറ്റലിൽ എല്ലാ ദിവസവും
കാസർകോട്: ഇന്ത്യയിലും വിദേശത്തുമായി 25 വർഷത്തോളം സേവന.
-
ചേര്ത്തലയില് ഭാര്യയെ ഭര്ത്താവ് കുത്തിക്കൊന്നു
ആലപ്പുഴ: ചേര്ത്തല പള്ളിപ്പുറത്ത് ഭാര്യയെ ഭര്ത്താവ്.
-
അഴിമതിക്കെതിരെ പോരാടിയവര് ഇപ്പോള് അഴിമതിക്കേസില് പ്രതി’: കെജ്രിവാളിനെതിരെ മോദി
ദില്ലി: ദില്ലി മുഖ്യമന്ത്രി അരവിന്ദ് കെജ്രിവാളിനെതിരെ രൂക്ഷവിമര്ശനവുമായി.
-
ഹജ്ജ് ക്ലാസ്സും യാത്രയയപ്പും നല്കി മുസ്ലിം ലീഗ് മൊഗ്രാല് പുത്തൂര് പഞ്ചായത്ത് കമ്മിറ്റി
മൊഗ്രാല് പുത്തൂര് : മൊഗ്രാല് പഞ്ചായത്ത്.
Leave a Comment