മുംബൈ: രാജ്യത്തെ ആദ്യ മോണോറെയില് സര്വീസ് മുംബൈയില് ഉദ്ഘാടനം ചെയ്തു. മഹാരാഷ്ട്ര മുഖ്യമന്ത്രി പൃഥ്വീരാജ് ചവാനാണ് ഉദ്ഘാടനം നിര്വഹിച്ചത്. പൊതുജനങ്ങള്ക്കായി ഞായറാഴ്ച മോണോറെയില് സര്വീസ് തുറന്നുകൊടുക്കും.
മുംബൈ മെട്രോപൊളിറ്റന് റീജണ് ഡെവലപ്മെന്റ് അതോറിറ്റിയുടെ (എം.എം.ആര് .ഡി.എ.) പദ്ധതിയില് വഡാല ഡിപ്പോ മുതല് ചെമ്പൂര് വരെ 8.93 കിലോമീറ്റര് ദൂരമുള്ള ആദ്യഘട്ടമാണ് ഉദ്ഘാടനം ചെയ്യപ്പെട്ടത്. ഭക്തിപാര്ക്ക്, മൈസൂര് കോളനി, ഭാരത് പെട്രോളിയം, ഫെര്ട്ടിലൈസര് ടൗണ്ഷിപ്പ്, ആര് .സി. മാര്ഗ് ജങ്ഷന് തുടങ്ങി അഞ്ച് സ്റ്റേഷനുകളാണ് ഇവയ്ക്കിടയിലുള്ളത്. ബസ്സില് 40 മിനിറ്റെടുക്കുന്ന ഈ ദൂരം പിന്നിടാന് മോണോറെയിലില് 18 മിനിറ്റ് മതി. അഞ്ചുരൂപ മുതല് 11 രൂപവരെയാണ് ടിക്കറ്റ് നിരക്ക്.
തുടക്കത്തില് കാലത്ത് ഏഴുമുതല് വൈകിട്ട് മൂന്നുവരെ മാത്രമായിരിക്കും സര്വീസ്. പിന്നീട് ഇത് ഏഴുമുതല് വൈകിട്ട് ഏഴുവരെയും മൂന്നാം ഘട്ടത്തില് കാലത്ത് അഞ്ചുമുതല് രാത്രി 12 മണിവരെയായും വര്ധിപ്പിക്കും. ആദ്യം 15 മിനിറ്റ് ഇടവേളകളിലും തുടര്ന്ന് ഒമ്പത് മിനിറ്റ് ഇടവേളകളിലും മോണോറെയില് ഓടിക്കാനാണ് പരിപാടി. മലേഷ്യന് കമ്പനിയായ സ്കോമി എന്ജിനീയറിങ്ങും ലാര്സണ് ആന്ഡ് ടൂബ്രോയും ചേര്ന്നാണ് മുംബൈ മോണോറെയില് പദ്ധതി പൂര്ത്തിയാക്കിയത്.
more recommended stories
-
അലയന്സ് എയര് യാത്ര റദ്ദാക്കി; അഗത്തി വിമാനത്താവളത്തിനു പുറത്ത് കുടുങ്ങി 68 പേര്,
കണ്ണൂര്ന്മ ലക്ഷദ്വീപ് അഗത്തി വിമാനത്താവളത്തില് കുടുങ്ങിയ.
-
സ്വര്ണവിലയില് നേരിയ ഇടിവ്
തിരുവനന്തപുരം: സ്വര്ണവിലയില് നേരിയ ഇടിവ്. കഴിഞ്ഞ രണ്ട്.
-
അതിതീവ്ര മഴ: സംസ്ഥാനത്ത് ഇന്ന് 6 ജില്ലകളില് യെല്ലോ അലര്ട്ട്, വരും ദിവസങ്ങളില് മഴ കനക്കും
തിരുവനന്തപുരം: സംസ്ഥാനത്ത് ഇന്ന് അതിശക്തമായ മഴയ്ക്ക്.
-
ഐപിഎല്ലില് മുംബൈ ഇന്ത്യന്സ് ഇന്ന് ലഖ്നൗ സൂപ്പര് ജയന്റ്സിനെ നേരിടും
മുംബൈ: ഐപിഎല്ലില് മുംബൈ ഇന്ത്യന്സ് ഇന്ന് ലഖ്നൗ.
Leave a Comment