കാസര്കോട്: ജോലി കഴിഞ്ഞ് വീട്ടിലേക്ക് പോവുകയായിരുന്ന യുവാവിനെ പോലീസ് ക്രൂരമായി മര്ദ്ദിച്ച സംഭവത്തില് പ്രതിഷേധം ശക്തമാകുന്നു. ചൊവ്വാഴ്ച രാത്രി 9.45 ഓടെയാണ് നെല്ലിക്കുന്നിലെ മുഹമ്മദ് മഷ്ഹൂര് നിഹാദി (18)നെയാണ് യാതൊരു പ്രകോപനവുമില്ലാതെ പോലീസ് സ്റ്റേഷനില് കൊണ്ടുപോയി മര്ദ്ദിച്ചത്. മല്ലികാര്ജ്ജുന ക്ഷേത്രത്തിന് സമീപമെത്തിയപ്പോള് കാസര്കോട് സി.ഐയുടെ നേതൃത്വത്തിലുള്ള പോലീസ് സംഘം ബൈക്ക് തടഞ്ഞു നിര്ത്തുകയും ബലമായി ജീപ്പില് കയറ്റി സ്റ്റേഷനിലേക്ക് കൊണ്ടുപോവുകയായിരുന്നു.
പരിക്കേറ്റ് മാലിക് ദീനാര് ആശുപത്രിയില് ചികിത്സയില് കഴിയുന്ന നിഹാദിനെ എന്.എ നെല്ലിക്കുന്ന് എം.എല്.എ സന്ദര്ശിച്ചു. സംഭവത്തില് മുസ്ലിം ലീഗ് മണ്ഡലം സെക്രട്ടറി മാഹിന് കേളോട്ട്, യൂത്ത് ലീഗ് നേതാക്കളായ സഹീര് ആസിഫ്, ഷംസുദ്ദീന് കിന്നിംഗാര്, ഹാരിസ് പട്ള, ഖയ്യൂം മാന്യ, റഫീഖ് കേളോട്ട് തുടങ്ങിയവര് ശക്തമായി പ്രതിഷേധിച്ചു. രാത്രികാലങ്ങളില് കടപൂട്ടി വീട്ടിലേക്ക് പോകുന്നവര്ക്ക് സംരക്ഷണം നല്കേണ്ട പോലീസ് യുവാവിനെ മര്ദ്ദിച്ചത് പ്രതിഷേധാര്ഹമാണെന്ന് മൊബൈല് ഡീലേഴ്സ് അസോസിയേഷന് പ്രസിഡണ്ട് അഷ്റഫ് നാല്ത്തടുക്ക പറഞ്ഞു. കുറ്റക്കാര്ക്കെതിരെ ശക്തമായ നടപടിയെടുക്കണമെന്നും നേതാക്കള് ആവശ്യപ്പെട്ടു.
more recommended stories
-
സിബിഎസ്ഇ പന്ത്രണ്ടാം ക്ലാസ് പരീക്ഷാ ഫലം പ്രഖ്യാപിച്ചു: 87.98% വിജയം
തിരുവനന്തപുരം∙ സിബിഎസ്ഇ പന്ത്രണ്ടാം ക്ലാസ് പരീക്ഷാ ഫലം.
-
നാല് ജില്ലകളില് ഇടിമിന്നലിനും ശക്തമായ കാറ്റിനും സാധ്യത
16ാം തീയതി വരെ വിവിധ ജില്ലകളില്.
-
പ്ലസ് വണ് ബാച്ച് കൂട്ടില്ല, പ്രതിസന്ധിയുണ്ടെന്ന പ്രചാരണം രാഷ്ട്രീയമെന്നും വിദ്യാഭ്യാസ മന്ത്രി
തിരുവനന്തപുരം: പ്ലസ് വണ് പ്രവേശനത്തില് അധികബാച്ച്.
-
ലെജന്റ്സ് പള്ളിപ്പുഴ സൗജന്യ മെഡിക്കല് ക്യാമ്പ് സംഘടിപ്പിച്ചു
പള്ളിക്കര: ലെജന്റ്സ് ആര്ട്സ് ആന്ഡ് സ്പോര്ട്സ്.
Leave a Comment