വടകര∙ തിരഞ്ഞെടുപ്പ് ഡ്യൂട്ടിക്കെത്തിയ ബിഎസ്എഫ് ഇൻസ്പെക്ടർ രാജസ്ഥാൻ സ്വദേശി രാം ഗോപാൽ മീണ (45) വെടിയേറ്റു മരിച്ചു. ഇന്നലെ രാത്രി 11.30ന് കോട്ടക്കൽ ഇസ്ലാമിക് അക്കാദമി സ്കൂളിലെ ബിഎസ്എഫ് ക്യാംപിലാണ് സംഭവം. സംഭവവുമായി ബന്ധപ്പെട്ട് ബിഎസ്എഫ് ജവാൻ യുപി സ്വദേശി അശോക് യാദവിനായി പൊലീസ് തിരച്ചിൽ നടത്തുകയാണ്. വെടിയുതിര്ത്ത ശേഷം ഇയാൾ തോക്കുമായി കടന്നുകളയുകയായിരുന്നുവെന്നാണ് അനൗദ്യോഗിക വിവരം. വെടിവയ്പിലേക്കു നയിച്ച സംഭവങ്ങളെക്കുറിച്ചു വ്യക്തതയില്ല. അവധി ആവശ്യപ്പെട്ടതിനെത്തുടർന്നാണ് വെടിവയ്പെന്നും പറയുന്നു. തിരഞ്ഞെടുപ്പ് ഡ്യൂട്ടിക്കെത്തിയ ജവാൻമാർ താമസിക്കുന്ന ക്യാംപിലാണ് സംഭവം. ആറു വെടിയുണ്ടകളെങ്കിലും ശരീരത്തിൽ തുളച്ചുകയറിയതായി സംശയിക്കുന്നു എന്നു പൊലീസ് പറഞ്ഞു. വടകര സഹകരണ ആശുപത്രിയിലെത്തിച്ച മൃതദേഹം അവിടെത്തന്നെ സൂക്ഷിച്ചിരക്കുകയാണ്. ഉയർന്ന ഉദ്യോഗസ്ഥർ എത്തിയ ശേഷമേ മൃതദേഹം മാറ്റുകയള്ളൂവെന്നാണു പൊലീസ് നിലപാട്. ഡിവൈഎസ്പി പ്രജീഷ് തോട്ടത്തിലിന്റെ നേതൃത്വത്തിൽ പൊലീസ് സംഘം സ്ഥലത്തെത്തി.
more recommended stories
-
അതീവ ജാഗ്രത, കേരള തീരത്ത് റെഡ് അലര്ട്ട് പ്രഖ്യാപിച്ചുa
തിരുവനന്തപുരം: കേരളാ തീരത്ത് അതീവ ജാഗ്രത നിര്ദ്ദേശം.
-
സംസ്ഥാനത്ത് വേനല്മഴ ഇന്ന് ഒരു ജില്ലയൊഴികെ മഴയ്ക്ക് സാധ്യതയെന്ന് റിപ്പോര്ട്ട്
ഇന്ന് കാസര്കോട് ജില്ലയൊഴികെ മറ്റെല്ലാ ജില്ലകളിലും.
-
പിണറായിക്ക് മുന്നില് ഓച്ഛാനിച്ചു നില്ക്കുന്നു; എല്ഡിഎഫ് ഘടകകക്ഷികള് ഏറാന്മൂളികളുടെ സംഘം: സതീശന്
തിരുവനന്തപുരം: ഇ പി ജയരാജനും ബി.
-
രോഹിത് വെമുലയുടെ ആത്മഹത്യ കേസ് അവസാനിപ്പിച്ചതായി തെലങ്കാന പൊലീസ് ഹൈക്കോടതിയില് ഇന്ന് റിപ്പോര്ട്ട് നല്കും
തെലങ്കാന ഹൈക്കോടതിയില് കേസവസാനിപ്പിച്ച് ഇന്ന് ക്ളോഷര് റിപ്പോര്ട്ട്.
Leave a Comment