മദ്യപിച്ചു ഡ്രൈവിങ്: നടപടിക്ക് എക്സൈസ് വകുപ്പിനും അധികാരം നൽകണമെന്നു ഋഷിരാജ് സിങ്

തിരുവനന്തപുരം∙ മദ്യപിച്ചു വാഹനമോടിക്കുന്നവരെ പിടിക്കാനും നിയമ നടപടികൾക്കും എക്സൈസ് വകുപ്പിനും അധികാരം നൽകണമെന്നാവശ്യപ്പെട്ടു കമ്മിഷണർ ഋഷിരാജ്സിങ് സർക്കാരിനു കത്തു നൽകി. അന്യസംസ്ഥാനങ്ങളിൽനിന്നുള്ള സ്പിരിറ്റ് കടത്തു തടയാൻ അഞ്ചു പ്രധാന ചെക് പോസ്റ്റുകളിൽ വെഹിക്കിൾ സ്കാനർ സ്ഥാപിക്കുക, അബ്കാരി കേസുകളുടെ ചട്ടങ്ങൾ പരിഷ്കരിക്കുക എന്നിവയും ആവശ്യപ്പെട്ടിട്ടുണ്ട്. വാഹന പരിശോധനയ്ക്കിടെ മദ്യപിച്ച ഡ്രൈവർമാരെ പിടികൂടിയാലും നിയമനടപടികൾക്ക് ഇപ്പോൾ എക്സൈസ് വകുപ്പിന് അധികാരമില്ല. പൊലീസിനും മോട്ടോർവാഹന വകുപ്പിനും മാത്രമേ ഇതു സാധിക്കൂ. ഇത് എക്സൈസ് വകുപ്പിന്റെ നടപടികളെ ദുർബലമാക്കുന്നുവെന്നു ഋഷിരാജ് സിങ് ചൂണ്ടിക്കാട്ടിയിരുന്നു.