മുംബൈ: ഇന്ത്യ തദ്ദേശീയമായി നിര്‍മിച്ച നാവികസേനയുടെ അത്യാധുനിക യുദ്ധക്കപ്പല്‍ ‘മോര്‍മുഗാവോ’ നീറ്റിലിറക്കി. നൂതന മിസൈലുകള്‍ വിക്ഷേപിക്കാന്‍ സാധിക്കുന്ന ‘മോര്‍മുഗാവോ’ ലോകത്തിലെ മികവുറ്റ യുദ്ധക്കപ്പലുകളിലൊന്നാണ്. മുംബൈ മാസഗോണ്‍ ഡോക് യാര്‍ഡില്‍ നടന്ന ചടങ്ങില്‍ നാവികസേനാ മേധാവി സുനില്‍ ലാംബയുടെ ഭാര്യ റീനയാണ് നീറ്റിലിറക്കല്‍ കര്‍മം നിര്‍വഹിച്ചത്.
7300 ടണ്‍ ഭാരമുള്ള കപ്പലിന് 30 നോട്ടിക്കല്‍ മൈല്‍ വേഗതയില്‍ സഞ്ചരിക്കാന്‍ സാധിക്കും. ഭൂതലഭൂതല മിസൈലുകളും ഭൂതലവായു മിസൈലുകളും അന്തര്‍വാഹിനികളെ പ്രതിരോധിക്കാവുന്ന റോക്കറ്റ് ലോഞ്ചറുകളും കപ്പലില്‍ ഘടിപ്പിച്ചിട്ടുണ്ട്. കൂടാതെ രണ്ട് ഹെലികോപ്റ്ററുകള്‍ വഹിക്കാനുള്ള ശേഷി മോര്‍മുഗാവോക്കുണ്ട്.
പരിശോധനകളും പരീക്ഷണങ്ങളും പൂര്‍ത്തിയാകുന്നതോടെ ‘ഐ.എന്‍.എസ് മോര്‍മുഗാവോ’ എന്ന് പേരില്‍ കപ്പല്‍ നാവികസേനയുടെ ഭാഗമാകും. 15ബി പദ്ധതിയുടെ (പ്രൊജക്ട് 15ബി) ഭാഗമായി ഇന്ത്യ തദ്ദേശീയമായി നിര്‍മിക്കുന്ന കപ്പലുകളിലൊന്നാണ് മോര്‍മുഗാവോ. ഐ.എന്‍.എസ് വിശാഖപട്ടണം, ഐ.എന്‍.എസ് കൊല്‍ക്കത്ത, ഐ.എന്‍.എസ് കൊച്ചി, ഐ.എന്‍.എസ് ചെന്നൈ എന്നിവയാണ് ക്ലാസ് ഡിസ്‌ട്രോയര്‍ ശ്രേണിയിലെ മറ്റ് യുദ്ധക്കപ്പലുകള്‍.
2011 ജനുവരിയിലാണ് മോര്‍മുഗാവോ നിര്‍മിക്കുന്നതിനുള്ള കരാറില്‍ മുംബൈ മാസഗോണ്‍ ഡോക് ഷിപ്പ് ബിള്‍ഡേഴ്‌സ് ലിമിറ്റഡുമായി (എം.ഡി.എല്‍) നാവികസേന കരാറിലേര്‍പ്പെട്ടത്. 20202024 കാലയളവില്‍ നാല് കപ്പലുകള്‍ കൂടി എം.ഡി.എല്‍ നിര്‍മിച്ച് നല്‍കും. 2015 ആഗസ്റ്റ് 20നാണ് ഐ.എന്‍.എസ് വിശാഖപട്ടണം നീറ്റിലിറക്കിയത്. 1960 മുതല്‍ നാവികേസേനയും എം.ഡി.എല്ലും തമ്മില്‍ യുദ്ധക്കപ്പല്‍ നിര്‍മാണത്തില്‍ സഹകരണം തുടങ്ങിയത്. മുങ്ങിക്കപ്പല്‍ നിര്‍മാണത്തില്‍ വൈദഗ്ധ്യമുള്ള രാജ്യത്തെ ഏക സ്ഥാപനമാണ് എം.ഡി.എല്‍.
more recommended stories
സംസ്ഥാനത്ത് വൈദ്യുതി ഉപയോഗം കുറഞ്ഞുതിരുവനന്തപുരം: സംസ്ഥാനത്ത് വൈദ്യുതി ഉപയോഗം കുറഞ്ഞു..
പെരിയ ഇരട്ട കൊലപാതക കേസ്;പതിമൂന്നാം പ്രതി ബാലകൃഷ്ണന്റെ മകന്റെ വിവാഹത്തില് പങ്കെടുത്ത കോണ്ഗ്രസ് നേതാക്കള്ക്കെതിരെ രാജ്മോഹന് ഉണ്ണിത്താന്രക്തസാക്ഷികളുടെ ആത്മാക്കളെ വേദനിപ്പിച്ചവര്ക്ക് മാപ്പില്ല.രക്തസാക്ഷികളെ.
കോണ്ഗ്രസ് 50 സീറ്റ് തികയ്ക്കില്ല : നരേന്ദ്ര മോദിഎന്ഡിഎ 400 സീറ്റിലധികം നേടും രാജ്യത്തിന്റെ.
സ്വര്ണ വിലയില് ഇടിവ്തിരുവനന്തപുരം: സംസ്ഥാനത്ത് ഇന്ന് സ്വര്ണവില കുറഞ്ഞു..
Leave a Comment