കൊച്ചി: നടിയെ ക്രൂരമായി ആക്രമിക്കാന് ദിലീപിനെ പ്രേരിപ്പിച്ചത് വര്ഷങ്ങളായുള്ള പക. നടിയുടെ വിവാഹം മുടക്കുക എന്ന ലക്ഷ്യത്തോടെയാണ് സംഭവം ആസൂത്രണം ചെയ്തത്. മഞ്ജു വാര്യരുമായുള്ള വിവാഹ ബന്ധത്തിലെ തകര്ച്ചയില് നടിക്ക് പങ്കുണ്ടെന്ന ദിലീപിന്റെ ചിന്തയാണ് ക്രൂര കൃത്യത്തിലേക്ക് നയിച്ചത്. കാവ്യമാധവനുമായി ബന്ധപ്പെട്ട ചില കാര്യങ്ങള് നടി മഞ്ജുവിനോട് വെളിപ്പെടുത്തിയിരുന്നു. കുടുംബ കാര്യങ്ങളില് ഇടപെടരുതെന്ന് ദിലീപ് നടിക്ക് മുന്നറിയിപ്പ് നല്കിയിരുന്നു. പിന്നീട് മഞ്ജുവുമായുള്ള ബന്ധം തകര്ന്നതോടെ ഇതിന് പിന്നില് നടിയെന്ന് ദിലീപ് ഉറച്ചു വിശ്വസിച്ചു. തുടര്ന്നാണ് നടിയെ ആക്രമിക്കാന് സുനിലിന് ക്വട്ടേഷന് നല്കിയത്. 2013 ല് ആദ്യ ക്വട്ടേഷന് ആസൂത്രണം ചെയ്തത്. കൊച്ചി എം.ജി റോഡിലെ ഹോട്ടല് അബാദ് പ്ലാസയിലെ പാര്ക്കിങ്ങില് ദിലീപിന്റെ സ്വന്തം ബി.എം.ഡബ്ലൂ കാറിലിരുന്നാണ് ക്വട്ടേഷന് ഉറപ്പിച്ചത്. ഒന്നരക്കോടി രൂപയാണ് സുനിക്ക് നല്കാമെന്നേറ്റത്. പതിനായിരം രൂപ അഡ്വാന്സ് നല്കുകയും ചെയ്തു. നടിയുടെ പ്രതിശ്രുത വരന് വിവാഹനിശ്ചയത്തിന് മുമ്പ് നല്കിയ മോതിരവും നടി ചിരിക്കുന്നതുമായ ദൃശ്യങ്ങള് ഉള്പെടെ മൂന്ന് മിനിറ്റ് നേരത്തേ വിഡിയോ ആണ് ദിലീപ് സുനിയോട് ആവശ്യപ്പെട്ടത്. എന്നാല് രണ്ടു തവണ നടിയെ ആക്രമിക്കാന് സുനി പദ്ധതിയിട്ടെങ്കിലും ശ്രമം പാളുകയായിരുന്നു. പിന്നീട് വ്യക്തമായ ആസൂത്രണത്തോടെയാണ് ആക്രമണം നടത്തിയത്.
more recommended stories
-
തെരഞ്ഞെടുപ്പ് കമ്മീഷനെതിരെ രൂക്ഷ വിമര്ശനവുമായി തൃണമൂല്
ദില്ലി: തെരഞ്ഞെടുപ്പ് കമ്മീഷനെതിരെ രൂക്ഷ വിമര്ശനവുമായി.
-
ടാപ്പിംഗ് ആരംഭിച്ചു
പ്ലാന്റേഷന് കോര്പ്പറേഷന്റെ കീഴിലുള്ള ചിത്താരി റബ്ബര്.
-
പൊതു സമൂഹത്തിന്റെ ഇടപെടല് ഭിന്നശേഷിക്കാരെ പ്രോത്സാഹിപ്പിക്കുന്നതാകണം
ബോവിക്കാനം : പൊതു സമൂഹത്തിന്റെ ഇടപെടല്.
-
ഇ.വൈ.സി.സിയുടെ ചിറകിലേറി ജാബിര് കട്ടന് ഇന്ത്യന് ടീമില്
കാസര്കോട്: നേപ്പാളില് നടക്കുന്ന ഏഷ്യന് സോഫ്റ്റ്ബോള്.
Leave a Comment