ഗുവാഹത്തി: ഐപിഎല്ലില് ചെന്നൈ സൂപ്പര് കിംഗ്സിനെതിരായ മത്സരത്തില് രാജസ്ഥാന് റോയല്സിന് എട്ട് വിക്കറ്റ് ജയം. ഗുവാഹത്തി, ബര്സപര ക്രിക്കറ്റ് സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ചെന്നൈ 19.4 ഓവറില് 127ന് എല്ലാവരും പുറത്തായി. രണ്ട് വിക്കറ്റ് വീതം വീഴ്ത്തിയ നന്ദ്രെ ബര്ഗര്, ജോഫ്ര ആര്ച്ചര്, രവീന്ദ്ര ജഡേജ എന്നിവരാണ് തകര്ത്തത്. 36 പന്തില് 43 റണ്സ് നേടിയ ജാമി ഓവര്ടോണാണ് ചെന്നൈയുടെ ടോപ് സ്കോറര്. ചെന്നൈക്ക് വേണ്ടിയുള്ള അരങ്ങേറ്റത്തില് സഞ്ജു സാംസണ് (6) നിരാശപ്പെടുത്തി. മറുപടി ബാറ്റിംഗില് രാജസ്ഥാന് 12.1 ഓവറില് മൂന്ന് വിക്കറ്റ് നഷ്ടത്തില് ലക്ഷ്യം മറികടന്നു. 17 പന്തില് 52 റണ്സ് നേടിയ വൈഭവ് സൂര്യവന്ഷിയാണ് രാജസ്ഥാനെ വിജയത്തിലേക്ക് നയിച്ചത്. യശസ്വ ജയ്സ്വാള് 38 റണ്സുമായി പുറത്താവാതെ നിന്നു.
വൈഭവിന് അതിവേഗ അര്ധ സെഞ്ചുറി; ചെന്നൈ സൂപ്പര് കിംഗ്സിനെ എട്ട് വിക്കറ്റിന് തകര്ത്ത് രാജസ്ഥാന് റോയല്സ്
