ജവാന്‍ ആണ് ഷാരൂഖ് ഖാന്റേതായി ഏറ്റവും ഒടുവില്‍ റിലീസ് ചെയ്ത ചിത്രം.
ഷാരൂഖ് ഖാന്‍ നായകനായി എത്തിയ കല്‍ ഹോ നാ ഹോ എന്ന ചിത്രം വീണ്ടും പ്രേക്ഷകര്‍ക്ക് മുന്നിലെത്തുന്നു. നവംബര്‍ 15ന് ചിത്രം റി റിലീസായി തിയറ്ററുകളില്‍ എത്തും. ധര്‍മ പ്രൊഡക്ഷന്‍സ് ആണ് റി റിലീസ് തിയതി പുറത്തുവിട്ടത്. ഇരുപത്തി ഒന്ന് വര്‍ഷങ്ങള്‍ക്ക് ശേഷം ഈ എവര്‍?ഗ്രീന്‍ പ്രണയ ചിത്രം തിയറ്ററില്‍ എത്തുമ്പോള്‍ ഷാരൂഖ് ഖാന്‍ ആരാധകരും ആവേശത്തോടെ കാത്തിരിക്കുകയാണ്.
2003ല്‍ റിലീസ് ചെയ്ത ചിത്രമാണ് കല്‍ ഹോ നാ ഹോ. ‘എ സ്റ്റോറി ഓഫ് എ ലൈഫ് ടൈം.. ഇന്‍ എ ഹാര്‍ട്ട് ബീറ്റ്’ എന്ന ടാഗ് ലൈനോടെ എത്തിയ ചിത്രം സംവിധാനം ചെയ്തത് നിഖില്‍ അദ്വാനിയാണ്. ഷാരൂഖ് ഖാനൊപ്പം പ്രീതി സിന്റയും സെയ്ഫ് അലി ഖാനും പ്രധാന വേഷത്തില്‍ എത്തിയ ചിത്രത്തില്‍ സുഷമ സേത്ത്, റീമ ലഗൂ, ലില്ലെറ്റ് ദുബെ, ഡെല്‍നാസ് ഇറാനി തുടങ്ങിയവരും മറ്റ് കഥാപാത്രങ്ങളില്‍ എത്തിയിരുന്നു. 2003ല്‍ ഏറ്റവും കൂടുതല്‍ വാണിജ്യ വിജയം നേടിയ ചിത്രം കൂടിയാണ് ‘കല്‍ ഹോ നാ ഹോ’.കര്‍ണ്‍ ജോഹര്‍ ആയിരുന്നു ചിത്രത്തിന്റെ കഥയും തിരക്കഥയും ഒരുക്കിയത്.
അതേസമയം, ജവാന്‍ ആണ് ഷാരൂഖ് ഖാന്റേതായി ഏറ്റവും ഒടുവില്‍ റിലീസ് ചെയ്ത ചിത്രം. ഒരേസമയം രണ്ട് 1000 കോടി ക്ലബ്ബ് ചിത്രങ്ങളെന്ന അപൂര്‍വ്വ നേട്ടമാണ് ഷാരൂഖ് ഖാന്‍ ഈ വര്‍ഷം സ്വന്തമാക്കിയത്. ജനുവരിയില്‍ എത്തിയ പഠാനും സെപ്റ്റംബറില്‍ എത്തിയ ജവാനും. കളക്ഷനില്‍ പഠാനെ മറികടക്കുകയും ചെയ്തിരുന്നു ജവാന്‍. തുടര്‍ പരാജയങ്ങള്‍ക്കൊടുവില്‍ കരിയറില്‍ സ്വീകരിച്ച ഇടവേളയ്ക്ക് ശേഷം വന്ന ചിത്രങ്ങളാണ് എന്നത് ഷാരൂഖ് ഖാന്റെ വിജയങ്ങളുടെ മധുരം ഇരട്ടിപ്പിക്കുന്നുണ്ട്.
