തൃക്കരിപ്പൂര്: മാമ്പഴത്തിന്റെ മധുരവും ബാല്യസ്മരണകളുടെ സൗരഭ്യവും ചേര്ന്ന അപൂര്വ വായനാനുഭവമായി മൈത്താണിയിലെ കുട്ടിക്കൂട്ടായ്മ മാറി. ഹോസ്ദുര്ഗ് താലൂക്ക് ലൈബ്രറി കൗണ്സില് സംഘടിപ്പിക്കുന്ന ”വായനാ വെളിച്ചം / വായനാക്കളരി” പദ്ധതിയുടെ ഭാഗമായി ചൂരിക്കാടന് കൃഷ്ണന് നായര് സ്മാരക വായനശാലയുടെ നേതൃത്വത്തില് വയല്ക്കാറ്റ് വിശ്രമകേന്ദ്രത്തില് ”കുട്ടിക്കാല മാമ്പഴ സ്മരണകള്” എന്ന സാഹിത്യസംഗമം സംഘടിപ്പിച്ചു.
മാമ്പഴം രുചിച്ചുകൊണ്ട് കുട്ടികളും അമ്മമാരും തങ്ങളുടെ ബാല്യകാല മാമ്പഴ ഓര്മ്മകള് പങ്കുവെച്ചപ്പോള് പരിപാടി സ്മരണകളുടെ മധുരച്ചൂട് നിറഞ്ഞ അനുഭവമായി. തുടര്ന്ന് മാമ്പഴത്തെ പ്രമേയമാക്കി എഴുതപ്പെട്ട കവിതകളും കഥകളും കുട്ടികള് ആസ്വാദനപൂര്വം അവതരിപ്പിച്ചു.
വായനശാല സെക്രട്ടറി പി. രാജഗോപാലന് വൈലോപ്പിള്ളി ശ്രീധരമേനോന്യുടെ പ്രശസ്തമായ ”മാമ്പഴം” കവിതയും സാറാ ജോസഫ്യുടെ ”മാമ്പഴക്കാലം” കഥയും അവതരിപ്പിച്ച് കുട്ടികളെ സാഹിത്യത്തിന്റെ മാമ്പഴമധുരത്തിലേക്ക് കൈപിടിച്ചുനടത്തി.
വായനാ വെളിച്ചം കണ്വീനര് ശോഭിക മഹേഷ് അധ്യക്ഷത വഹിച്ചു. ബാലവേദി കൂട്ടുകാരായ ധനിക് ബാല, റിയ പ്രശാന്ത്, മീനാക്ഷി പി., അന്വിദ്, പാര്വ്വതി അമരീഷ്, അന്ഷിക ടി.പി. എന്നിവര് വിവിധ കഥകളും അനുഭവങ്ങളും അവതരിപ്പിച്ചു. ചടങ്ങില് വനിതാവേദി അംഗം തുളസി പി. സ്വാഗതവും ലൈബ്രേറിയന് നന്ദന പി.കെ നന്ദിപ്രസംഗവും നിര്വഹിച്ചു.
വായനയും ഓര്മ്മകളും സാഹിത്യവും ഒരുമിച്ചുചേര്ന്ന ഈ മാമ്പഴസംഗമം കുട്ടികളുടെ മനസില് മധുരസ്മരണയായി മാറി.
മാമ്പഴ മധുര സ്മരണയില് മൈത്താണിയിലെ കുട്ടികള്- കവിതയും കഥയും ചേര്ന്നൊരു വായനാവിരുന്ന് ഒരുക്കി
