തളങ്കര ഗവണ്മെന്റ് മുസ്ലിം വൊക്കേഷണല് ഹയര് സെക്കന്ഡറി സ്കൂളില് നിര്ധനരായ വിദ്യാര്ത്ഥികള്ക്കായി സൗജന്യ യൂണിഫോം വിതരണം
വേറിട്ടൊരു സ്നേഹസ്പര്ശമായിമാറി.
എം എസ് എസ് (മുസ്ലിം സര്വീസ് സൊസൈറ്റി )വനിതാ വിംഗ്, ആള്ട്ടന് ഹൈം ചാരിറ്റി ഓര്ഗനൈസേഷന്, എവറസ്റ്റ് അബ്ദുല് റഹ്മാന് മെമ്മോറിയല് എന്നിവയുടെ സംയുക്താഭിമുഖ്യത്തിലാണ് കുട്ടികള്ക്കായി സ്നേഹസമ്മാനമായി യൂണിഫോമുകള് വിതരണം ചെയ്തത്.
സ്കൂള് അങ്കണത്തില് നടന്ന ഹൃദ്യമായ ചടങ്ങില് എംഎസ്എസ് വനിതാ വിംഗ് പ്രസിഡന്റ് ശ്രീമതി സാബിറ എവറസ്റ്റ് സ്കൂള് ഹെഡ്മിസ്ട്രസ് ശ്രീമതി ബിന്ദു പി ഡി ക്ക് യൂണിഫോമുകള് കൈമാറി.
പഠനയാത്രയില് ഒരു കുട്ടി പോലും പിന്നിലാകരുതെന്ന ലക്ഷ്യത്തോടെ സമൂഹത്തിന്റെ നന്മ നിറഞ്ഞ മനസ്സുകള് കൈകോര്ത്തപ്പോള്, അത് സമൂഹത്തിന് മാതൃകാപരമായ ഒരു സേവനപ്രവര്ത്തനമായി മാറി.
ചടങ്ങില് എംഎസ്എസ് പ്രസിഡന്റ് ശ്രീ ജലീല് മുഹമ്മദ്, സെക്രട്ടറി ശ്രീ സമീര് അമസോണിക്സ്,
എംഎസ്എസ് അംഗം ശ്രീ യൂസഫ്, വനിതാ വിംഗ് അംഗം ശ്രീമതി മറിയം ഒ കെ , പി.ടി.എ. പ്രസിഡന്റ് ശ്രീ സമീര് പി.എം., അധ്യാപിക ശ്രീമതി ജയശ്രീ എന്നിവര് പങ്കെടുത്തു.
വിദ്യാലയമുറ്റത്ത് നന്മയുടെ മറ്റൊരു അധ്യായം കുറിച്ച ഈ കാരുണ്യപ്രവര്ത്തനത്തെ സ്റ്റാഫ് സെക്രട്ടറി ശ്രീ യൂസഫ് വി.പി. ഹൃദയപൂര്വം അഭിനന്ദിച്ചു.
