കൊച്ചി അല് റീം ഹോട്ടലില് നിന്ന് ഭക്ഷണം കഴിച്ചവര്ക്ക് ഷിഗെല്ല. മൂന്നുപേരുടെ സാമ്പിളുകളില് ഷിഗെല്ല ബാക്ടീരിയ സാന്നിധ്യം സ്ഥിരീകരിച്ചു. ഹോട്ടലിനെതിരെ നോര്ത്ത് പോലീസ് കേസെടുത്തു. പുണിത്തുറ സ്വദേശിയുടെ പരാതിയിലാണ് കേസെടുത്തിരിക്കുന്നത്. ഹോട്ടല് നേരത്തെ ഭക്ഷ്യസുരക്ഷാ വകുപ്പ് അടപ്പിച്ചിരുന്നു.
അല് റീം റസ്റ്റോറന്റിന്റെ കത്രിക്കടവിലുള്ള ഔട്ട്ലെറ്റിലാണ് കഴിഞ്ഞ ദിവസം ഭക്ഷ്യവിഷബാധ ഉണ്ടായത്. ഈ മാസം 10, 11 തീയതികളില് ഭക്ഷണം കഴിച്ചവരില് ഏകദേശം 32ഓളം ആളുകളെയാണ് ആദ്യ രണ്ട് ദിവസം ദേഹാസ്വാസ്ഥ്യത്തെ തുടര്ന്ന് ആശുപത്രിയില് പ്രവേശിപ്പിച്ചത്. കഴിഞ്ഞ ദിവസം എട്ട് പേര് കൂടി ചികിത്സ തേടിയിരുന്നു. ഇതില് ആദ്യം ആശുപത്രിയില് പ്രവേശിച്ച 15 പേരുടെ സാമ്പിള് പരിശോധിച്ചതില് നിന്നുമാണ് മൂന്ന് പേരുടെ രോഗകാരണം ഷില്ല ബാക്ടീരിയയാണെന്ന് സ്ഥിരീകരിച്ചത്.
പൊന്നുരുന്നി സ്വദേശി, നെട്ടൂര് സ്വദേശി, മലയിടം തുരുത്ത് സ്വദേശി എന്നിങ്ങനെ മൂന്ന് പേരുടെ പരിശോധനാ ഫലമാണ് പോസിറ്റീവായിരിക്കുന്നത്.നേരത്തെ ഹോട്ടലിനെതിരെ കോര്പറേഷനും ഭക്ഷ്യ സുരക്ഷാ വകുപ്പിനുമടക്കം പരാതി ലഭിച്ചിരുന്നു.ഇതിനു പിന്നാലെയാണ് ഭക്ഷ്യസുരക്ഷാ വകുപ്പ് ഹോട്ടലില് എത്തുകയും സാമ്പിളുകള് ശേഖരിച്ചതിന് ശേഷം ഹോട്ടന് അടച്ചു പൂട്ടാന് നോട്ടീസ് നല്കുകയും ചെയ്തത്.
കൊച്ചിയില് ഭക്ഷ്യവകുപ്പ് അടപ്പിച്ച ഹോട്ടലില് നിന്ന് മന്തി കഴിച്ച മൂന്നുപേര്ക്ക് ഷിഗെല്ല
