യുഡിഎഫില്‍ ചര്‍ച്ചകള്‍ നടക്കുന്നുണ്ട്: അടൂര്‍ പ്രകാശിനെ തള്ളി മുസ്ലിം ലീഗ്
മലപ്പുറം: മുഖ്യമന്ത്രിക്കെതിരായ പരസ്യ വിമര്‍ശനത്തില്‍ യുഡിഎഫ് കണ്‍വീനര്‍ അടൂര്‍ പ്രകാശിനെ തള്ളി മുസ്ലിം ലീഗ്. യുഡിഎഫില്‍ ചര്‍ച്ചകള്‍ നടക്കുന്നുണ്ടെന്നും എല്ലാ തീരുമാനങ്ങളും ഉഭയകക്ഷി ചര്‍ച്ചകളിലൂടെയാണ് എടുക്കുന്നതെന്നും മന്ത്രി കെ പികുഞ്ഞാലിക്കുട്ടിയും ലീഗ് അധ്യക്ഷന്‍ സാദിഖലി ശിഹാബ് തങ്ങളും പറഞ്ഞു. എംകെ മുനീറിന്റെ നിയമനം അടക്കം ചര്‍ച്ചകളിലൂടെ സ്വീകരിച്ചതെന്നും നേതാക്കള്‍ പറഞ്ഞു. വലിയ ആഭ്യന്തര കലഹം മുസ്ലിം ലീഗില്‍ ഇല്ലെന്നും സാദിഖലി ശിഹാബ് തങ്ങള്‍ പ്രതികരിച്ചു.
ഇനിയും തീരുമാനം വരാനുണ്ട്, എല്ലാവരുടെയും പരാതി തീരുമെന്ന് പികെ കുഞ്ഞാലിക്കുട്ടി പറഞ്ഞു. യുഡിഎഫില്‍ അനൈക്യമില്ലെന്ന് അദേഹം വ്യക്തമാക്കി. ഇലക്ഷന്‍ കമ്മീഷന്‍ വിഷയത്തിന്റെ പ്രാധാന്യം കളയേണ്ട. അതിനിടയില്‍ പ്രശ്‌നം ഉണ്ടായി, അതുണ്ടാകാന്‍ പാടില്ലായിരുന്നു. അതിനിടയില്‍ ഈ പ്രശ്‌നം പറഞ്ഞ് പ്രധാന വിഷയത്തിന്റെ പ്രാധാന്യം കളയേണ്ട. രാജ്യം മുഴുവന്‍ ഒറ്റ കെട്ടായി നില്‍ക്കുകയാണെന്ന് പികെ കുഞ്ഞാലിക്കുട്ടി പറഞ്ഞു.
അടൂര്‍ പ്രകാശ് അതൃപ്തി പറഞ്ഞതോടെ, കോണ്‍ഗ്രസില്‍ നേതാക്കള്‍ തമ്മിലുള്ള വാക്‌പോരിനും കളമൊരുങ്ങുകയാണ്. അടൂര്‍ പ്രകാശിനെ പരോക്ഷമായി പിന്തുണച്ച് സ്പീക്കര്‍ തിരുവഞ്ചൂര്‍ രാധാകൃഷ്ണനും കെപിസിസി ജനറല്‍ സെക്രട്ടറി ദീപ്തി മേരി വര്‍ഗീസും രംഗത്തെത്തി. എന്നാല്‍ അടൂര്‍ പ്രകാശിനെ തള്ളിയായിരുന്നു മന്ത്രി കെ മുരളീധരന്റെ പ്രതികരണം.
Related Posts
നവംബര്‍ 3 മുതല്‍ സ്വകാര്യ ബസുകള്‍ അനിശ്ചിതകാല സമരത്തിലേക്ക്
KCN CHANNEL
