കേരള സര്വകലാശാലയിലെ പൊലീസ് നടപടിയില് പ്രതിഷേധിച്ച് സെക്രട്ടറിയേറ്റിലേക്ക് എസ്എഫ്ഐ നടത്തിയ മാര്ച്ചില് സംഘര്ഷം. മാര്ച്ച് പൊലീസ് ബാരിക്കേഡ് വെച്ച് തടഞ്ഞു
തിരുവനന്തപുരം: കേരള സര്വകലാശാലയിലെ പൊലീസ് നടപടിയില് പ്രതിഷേധിച്ച് സെക്രട്ടറിയേറ്റിലേക്ക് എസ്എഫ്ഐ നടത്തിയ മാര്ച്ചില് സംഘര്ഷം. മാര്ച്ച് പൊലീസ് ബാരിക്കേഡ് വെച്ച് തടഞ്ഞു. തുടര്ന്ന് മുദ്രാവാക്യം വിളിച്ചെത്തിയ പ്രവര്ത്തകര് ബാരിക്കേഡ് മറിച്ചിടാന് ശ്രമിച്ചു. പൊലീസ് ജലപീരങ്കി പ്രയോ?ഗിച്ചെങ്കിലും പ്രവര്ത്തകര് പിരിഞ്ഞുപോയില്ല. പൊലീസുമായി ഉന്തും തള്ളും ഉണ്ടായതോടെ പൊലീസ് ലാത്തിവീശി. കഴിഞ്ഞ അരമണിക്കൂറിലധികമായി സെക്രട്ടേറിയറ്റിന് മുന്നില് സംഘര്ഷാവസ്ഥ നിലനില്ക്കുകയാണ്. ഇന്നലെ വന്ദേമാതരം വിവാദത്തില് എസ്എഫ്ഐ പ്രവര്ത്തകര് പ്രതിഷേധിച്ചിരുന്നു. മാര്ച്ചിന് നേരെയുണ്ടായ പൊലീസ് നടപടിയില് വനിതാ പ്രവര്ത്തകര്ക്കുള്പ്പെടെ പരിക്കേറ്റിരുന്നു. ഇതില് പ്രതിഷേധിച്ചാണ് ഇന്നത്തെ സെക്രട്ടേറിയറ്റ് മാര്ച്ച്.
കേരള സര്വകലാശാലയിലെ പൊലീസ് നടപടി; സെക്രട്ടേറിയറ്റിലേക്കുള്ള എസ്എഫ്ഐ മാര്ച്ചില് സംഘര്ഷം, ലാത്തിവീശി പൊലീസ്
