അന്തര്‍ സംസ്ഥാന ലഹരിക്കടത്ത് സംഘത്തിലെ പ്രധാനികളെ പിടികൂടി .

കേരളത്തിലേക്ക് വന്‍ തോതില്‍ രാസലഹരിയായ എംഡിഎംഎ വില്‍പനക്കെത്തിക്കുന്ന പ്രധാനികളെ പിടികൂടി.ബാംഗ്ലൂരില്‍ നിന്നും മറ്റും കേരളത്തിലെ വടക്കന്‍ജില്ലകളായ കസര്‍ഗോഡ് കണ്ണൂര്‍ എന്നിവിടങ്ങളിലേക്ക് മയക്കുമരുന്ന് എത്തിക്കുന്ന സംഘത്തിലെ പ്രധാനികളായ രഞ്ജിത് പി s/o രവീന്ദ്രന്‍ പി വയ:30/25 ചേറൂട്ടി ഹൌസ് പെരുംകുഴി പാടം ചാലപ്പുറം പോസ്റ്റ് കോഴിക്കോട്,സഫാദ് എം എ s/o അഷറഫ് എം എം വയ:26/25 മാടപ്പള്ളി ഹൌസ് കുഞ്ചില്‍ പ്ലാരിക്കെ റോഡ് കുഞ്ചില വിലേജ് മടിക്കേരി താലൂക്ക് കൊടുക് കര്‍ണാടക ബദിയടുക്ക പോലീസ് സ്റ്റേഷന്‍ ഇന്‍സ്‌പെക്ടര്‍ സുധീര്‍ ഉം സംഘവും പിടികൂടി. ബദിയടുക്ക പോലീസ് സ്റ്റേഷനില്‍ 04.01.2025 തീയ്യതി റെജിസ്റ്റര്‍ ചെയ്ത എന്‍മകജെ ഗ്രാമത്തില്‍ പെര്‍ല ചെക്ക്‌പോസ്റ്റ് മുന്‍വശം നിരോധിത മയക്കുമരുന്ന് ഇനത്തില്‍പ്പെട്ട 83.890 ഗ്രാം എംഡിഎംഎ പിടിച്ച കേസ്സിന്റെ തുടരന്വേഷണത്തിലാണ് പ്രതികളെ പിടികൂടി അറസ്റ്റ് ചെയ്തത്. ബാംഗ്ലൂര്‍ കേന്ദ്രീകരിച്ചു നടക്കുന്ന വന്‍ലഹരി ഉല്‍പാദനകേന്ദ്രത്തില്‍ നിന്നും ഇടനിലക്കാര്‍ വഴി ഇവര്‍ ലഹരിമരുന്നുകള്‍ വാങ്ങുന്നത്. അറസ്റ്റ് ചെയ്യപ്പെട്ട രഞ്ജിത് കാസറഗോഡ്, കണ്ണൂര്‍ ജില്ലകളിലെ ചെറുകിട കച്ചവടക്കാര്‍ക്ക് ലഹരിമരുന്ന് എത്തിച്ച് കൊടുക്കുന്നവരില്‍ പ്രധാനിയാണ്.ബാംഗ്ലൂരിലെ ഏജന്റ്മാരെ ബന്ധപ്പെടുന്നതും ആവശ്യമുളള ലഹരിമരുന്നിന്റെ അളവും നിരക്കും ഉറപ്പിച്ചശേഷം തുക ഓണ്‍ലൈന്‍ ആയി അയച്ചുകൊടുക്കുകയും ഇവരുടെ മൊബൈലിലേക്ക് ലഹരിമരുന്നു വച്ചിരിക്കുന്ന ഗൂഗിള്‍ ലൊക്കേഷന്‍ ലഭിക്കുകയും ചെയ്യും.ഇവ ശേഖരിച്ച് ആവശ്യക്കാര്‍ക്ക് വിതരണം ചെയ്യുകയും ചെയ്യുന്നു. കൂടാതെ സംഘത്തില്‍ ഉള്‍പ്പെട്ട മറ്റ് പ്രതികളെപറ്റിയും ശക്തമായ അന്വേഷണം നടന്നു വരികയാണ്. അറസ്റ്റ് ചെയ്ത പ്രതികളെ ഇന്ന് കോടതി മുന്‍പാകെ ഹാജരാക്കി.
അന്വേഷണ സംഘത്തില്‍ ഇന്‍സ്‌പെക്ടര്‍ സുധീര്‍നെ കൂടാതെ സബ് ഇന്‍സ്‌പെക്ടര്‍ ഉമേഷ്, സീനിയര്‍ സിവില്‍ പോലീസ് ഓഫീസര്‍ പ്രസാദ്, ശശികുമാര്‍ സിവില്‍ പോലീസ് ഓഫീസര്‍ മുഹമ്മദ് ആരിഫ്, അഭിലാഷ്, വിപിന്‍ എന്നിവരും ഉണ്ടായിരുന്നു.