95
കാസര്‍കോട്: കാസര്‍കോട് നഗരസഭയും ആയുര്‍വേദ ആശുപത്രിയും കുടുംബശ്രീയും സംയുക്തമായി ജനകീയ ‘കര്‍ക്കടകക്കഞ്ഞി’ ക്യാമ്പ് സംഘടിപ്പിക്കുന്നു. ആഗസ്റ്റ് 1ന് 11 മണി മുതല്‍ നഗരസഭാ ടൗണ്‍ഹാളിലാണ് പരിപാടി സംഘടിപ്പിക്കുന്നത്. എന്‍.എ. നെല്ലിക്കുന്ന് എം.എല്‍.എ ഉദ്ഘാടനം ചെയ്യും. നഗരസഭാ ചെയര്‍മാന്‍ അബ്ബാസ് ബീഗം അദ്ധ്യക്ഷത വഹിക്കും. കേരളത്തിലെ പരമ്പരാഗത ചികിത്സാ വിധി പ്രകാരം ആരോഗ്യ പരിപാലനത്തിനായി തയാറാക്കുന്ന ഔഷധക്കൂട്ടാണ് ഔഷധക്കഞ്ഞി അഥവാ കര്‍ക്കിടകക്കഞ്ഞി. രോഗപ്രതിരോധ ശേഷി കൂട്ടാന്‍ കര്‍ക്കിടകക്കഞ്ഞി കഴിക്കുന്നത് ഏറെ നല്ലതാണ്. ദഹനപ്രക്രിയ സുഗമമായി നടക്കുന്നതിനും സഹായിക്കുന്ന ഒന്നാണ് കര്‍ക്കിടകക്കഞ്ഞി.
ചടങ്ങില്‍ ‘ആരോഗ്യം ആയുര്‍വേദത്തിലൂടെ’ എന്ന വിഷയത്തില്‍ ക്ലാസ്സുകള്‍ ഉണ്ടാകും.
