ചൊക്ലി: ചൊക്ലിയില് പ്രായപൂര്ത്തിയാകാത്ത കുട്ടി സ്കൂട്ടര് ഓടിച്ച സംഭവത്തില് രക്ഷിതാവിനെതിരെ പൊലീസ് കേസെടുത്തു.
മേനപ്രത്ത് വാഹന പരിശോധന നടത്തുന്നതിനിടെയാണ് കുട്ടി അപകടകരമായ രീതിയില് സ്കൂട്ടര് ഓടിക്കുന്നത് പൊലീസിന്റെ ശ്രദ്ധയില്പ്പെട്ടത്.
തുടര്ന്ന് പൊലീസ് വാഹനം കസ്റ്റഡിയിലെടുക്കുകയും രക്ഷിതാവിനെതിരെ നിയമ നടപടി സ്വീകരിക്കുകയും ചെയ്തു എന്നാണ് പൊലീസിന്റെ നിലപാട്.
ചൊക്ലി എസ്.ഐ ആര്.രാകേഷും സംഘവുമാണ് മേനപ്രത്ത് വാഹന പരിശോധന നടത്തിയത്. പരിശോധനയ്ക്കിടെ അപകടകരമായ രീതിയില് ഒരു കുട്ടി സ്കൂട്ടര് ഓടിക്കുന്നത് ശ്രദ്ധയില്പ്പെട്ടു.
ഉടന് തന്നെ KL 58 AP 1473 നമ്പരുള്ള സ്കൂട്ടര് പൊലീസ് കസ്റ്റഡിയില് എടുത്തു. പരിശോധനയില് സ്കൂട്ടറിന്റെ ഉടമ രക്ഷിതാവാണ് എന്ന് വ്യക്തമായതോടെയാണ് കേസെടുത്തത്.
മേക്കുന്ന് കല്ലുകൊത്തിയ പറമ്പത്ത് കെ.പി. റഷീദിനെതിരെയാണ് കേസ് രജിസ്റ്റര് ചെയ്തതെന്ന് പൊലീസ് അറിയിച്ചു. ഭാരതീയ ന്യായ സംഹിത 125-ാം വകുപ്പും മോട്ടോര് വാഹന നിയമത്തിലെ 5(1), 199 (A) വകുപ്പുകളും ചുമത്തിയാണ് കേസെടുത്തത്.
