48
കാസര്‍കോട്: കുടുംബശ്രീ ജില്ലാ മിഷന്റെ സഹകരണത്തോടെ കാസര്‍കോട് നഗരസഭ സി.ഡി.എസില്‍ മട്ടുപ്പാവ് കൃഷി പ്രോത്സാഹിപ്പിക്കുന്നതിന്റെ ഭാഗമായി മണ്‍ച്ചട്ടികളും വിത്ത്, വളം ചേര്‍ത്ത മണ്ണ് എന്നിവ വിതരണം ചെയ്തു. ആദ്യ ഘട്ടമെന്ന നിലയില്‍ 85 കുടുംബശ്രീ വനിതകളെയാണ് പദ്ധതിക്കായി ഉള്‍പ്പെടുത്തിയത്. പദ്ധതിയുടെ ഉത്ഘാടനം നഗരസഭ ചെയര്‍മാന്‍ അബ്ബാസ് ബീഗം നിര്‍വ്വഹിച്ചു. CDS ചെയര്‍പേഴ്‌സണ്‍ ആയിശ ഇബ്രാഹീം അദ്ധ്യക്ഷം വഹിച്ചു. മെമ്പര്‍ സെക്രട്ടറി പ്രസാദ് , കണ്‍വീനര്‍ ശാഹിദ യൂസഫ്, കൗണ്‍സിലര്‍ പവിത്ര കെ.ജി, CDS അംഗങ്ങള്‍ ആശംസകള്‍ അരിയിച്ചു. CDS വൈസ് ചെയര്‍പേഴ്‌സണ്‍ ഷക്കീല മജീദ് സ്വാഗതവും കണ്‍വീനര്‍ ദേവയാനി നന്ദിയും പറഞ്ഞു.
