35
കാസര്‍കോട്: മഹാരാഷ്ട്രയില്‍ വെച്ച് നടന്ന നാഷണല്‍ ലെവല്‍ സോഫ്റ്റ് ബേസ് ബോള്‍ ഫെഡറേഷന്‍ കപ്പ് 2024-25 ജേതാക്കളായ കേരള യൂത്ത് വുമണ്‍സ് ടീം അംഗങ്ങളായ മെഹറുന്നിസ റാഷിദ് (പള്ളം), റംസീന റസാക്ക് (ചിത്താരി) എന്നിവര്‍ക്ക് കാസര്‍കോട് നഗരസഭ ചെയര്‍മാന്‍ അബ്ബാസ് ബീഗത്തിന്റെ നേതൃത്വത്തില്‍ കാസര്‍കോട് റെയില്‍വേ സ്റ്റേഷനില്‍ സ്വീകരണം നല്‍കി. മരാമത്ത് സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ സിയാന ഹനീഫ്, കെ.എം ബഷീര്‍, ലത്തീഫ്, അബ്ദുല്‍ റഹ്‌മാന്‍ എന്‍.എച്ച്, അബ്ദുല്‍ റഹ്‌മാന്‍ തൊട്ടാന്‍ തുടങ്ങിയവര്‍ സംബന്ധിച്ചു.
