കനത്ത മഴ; തൃശൂരില്‍ സംസ്ഥാന സ്‌കൂള്‍ കായികമേളയുടെ നീന്തല്‍ മത്സരത്തിന്റെ വേദി തകര്‍ന്നു
തൃശൂര്‍: കനത്തമഴയില്‍ , തൃശൂരില്‍ സംസ്ഥാന സ്‌കൂള്‍ കായികമേളയുടെ നീന്തല്‍ മത്സരത്തിന്റെ വേദി തകര്‍ന്നു. അക്വാട്ടിക് കോംപ്ലക്‌സിലെ താത്ക്കാലിക മേല്‍ക്കൂരയാണ് തകര്‍ന്നത്. നാലു കുട്ടികള്‍ക്കും, രണ്ട് രക്ഷിതാക്കള്‍ക്കും ഗുരുതരമായി പരുക്കേറ്റിട്ടുണ്ട്. വേദിയുടെ മേല്‍ക്കൂര കാറ്റില്‍ പറന്നുപോയി. വൈകീട്ട് 6.30 ഓടെയായിരുന്നു സംഭവം.
റിലേ മത്സരങ്ങള്‍ നടന്നുകൊണ്ടിരിക്കവെയാണ് സംഭവം. 14 ജില്ലകളില്‍ നിന്നും വിദ്യാര്‍ഥികള്‍ മത്സരത്തിനായി ഇവിടേക്ക് എത്തുന്നുണ്ട് എന്നാല്‍ വളരെ ചെറിയ ഷെഡ്ഡുകള്‍ മാത്രമാണ് സംഘാടകര്‍ തയ്യാറാക്കിയിരിക്കുന്നതെന്ന് വ്യാപകമായ പരാതി ഉയരുന്നുണ്ട്.കായിക മേളയുടെ നടത്തിപ്പ് തന്നെ വളരെ പരാജയമാണ്. വിദ്യാര്‍ഥികള്‍ക്ക് പരുക്കേറ്റ സമയത്ത് അവരെ ആശുപത്രിയില്‍ എത്തിച്ചത് രക്ഷിതാക്കളാണ്. സംഘാടകരെ ഈ പരിസരത്ത് കണ്ടിട്ടില്ലെന്നും അപകടം നടക്കുമ്പോള്‍ വേദിയില്‍ ഉണ്ടായിരുന്നവര്‍ പറയുന്നു.
Related Posts
നവംബര്‍ 3 മുതല്‍ സ്വകാര്യ ബസുകള്‍ അനിശ്ചിതകാല സമരത്തിലേക്ക്
KCN CHANNEL
