മാസപ്പടി കേസില്‍ നിര്‍ണായക വാദം; പിണറായിക്കും വീണയ്ക്കും റിയാസിനുമായി പ്രമുഖ അഭിഭാഷകരുടെ നിര
പിണറായി വിജയനും വീണയ്ക്കും റിയാസിനുമായി പ്രമുഖ അഭിഭാഷകരുടെ നിരയാണ് കോടതിയില്‍ ഹാജരായത്. സിംഗിള്‍ ബെഞ്ചിനെ സമീപിച്ച കെ എം ഷാജഹാന് രാഷ്ട്രീയ താല്‍പര്യമെന്ന് പിണറായി വിജയന്റെ അഭിഭാഷകന്‍ വാദിച്ചു.
കൊച്ചി: മാസപ്പടി കേസിലെ അപ്പീലില്‍ ഹൈക്കോടതിയില്‍ ശക്തമായ വാദമുഖങ്ങളുമായി പിണറായി വിജയന്റെ അഭിഭാഷകന്‍. സിംഗിള്‍ ബെഞ്ചിനെ സമീപിച്ച കെ എം ഷാജഹാന് രാഷ്ട്രീയ താല്‍പര്യമെന്ന് പിണറായി വിജയന്റെ അഭിഭാഷകന്‍ വാദിച്ചു. അഴിമതി നിരോധന നിയമപ്രകാരമുള്ള കുറ്റകൃത്യം ഇല്ലെന്ന കാര്യം സിംഗിള്‍ ബെഞ്ച് പരിശോധിക്കേണ്ടിയിരുന്നു. എന്ത് കുറ്റം ചെയ്തെന്ന് ഇഡിയും പറഞ്ഞിട്ടില്ലെന്നും വാദം. പിണറായി വിജയനും വീണയ്ക്കും റിയാസിനുമായി പ്രമുഖ അഭിഭാഷകരുടെ നിരയാണ് കോടതിയില്‍ ഹാജരായത്.
പിണറായിക്കായി പ്രമുഖ അഭിഭാഷകന്‍ സിദ്ധാര്‍ത്ഥ് ലൂത്ര
പിണറായി വിജയനായി സുപ്രീംകോടതിയിലെ പ്രമുഖ അഭിഭാഷകന്‍ സിദ്ധാര്‍ത്ഥ് ലൂത്രയാണ് ഇന്ന് ഹൈക്കോടതിയില്‍ ഹാജരായത്. സിദ്ധാര്‍ഥ് ലൂത്ര ഓണ്‍ലൈനിലാണ് പിണറായിക്ക് വേണ്ടി ഹാജരായത്. വീണ, മുഹമ്മദ് റിയാസ് എന്നിവര്‍ക്കായി അഡ്വ. എന്‍ ഹരിഹരനാണ് ഹാജരായത്. ഇഡിയുടെ അന്വേഷണാധികാരത്തെ പിണറായിയുടെ അഭിഭാഷകന്‍ ഇഡി അന്വേഷണത്തെ ചോദ്യം ചെയ്തു. കമ്പനി ആക്ട് പ്രകാരം ചില കാര്യങ്ങളില്‍ എസ്.എഫ്.ഐ.ഒക്ക് മാത്രമേ അന്വേഷണം നടത്താനാകൂ എന്നും ഇഡിയുടെ പി.എം.എല്‍.എ. സെക്ഷന്‍ 66(2) പ്രകാരമുള്ള കത്ത് തുടര്‍നടപടികള്‍ക്ക് മതിയായ അടിസ്ഥാനമല്ലെന്നും വാദം.
എസ്.എഫ്.ഐ.ഒ അന്വേഷണം ഏറ്റെടുത്താല്‍ മറ്റ് ഏജന്‍സികള്‍ക്ക് അതേ കുറ്റത്തില്‍ അന്വേഷണം തുടരാനാകില്ലെന്നും വാദം ഉയര്‍ന്നു. സിംഗിള്‍ ബെഞ്ച് അന്വേഷണ ഉദ്യോഗസ്ഥന്റെ അധികാരത്തില്‍ കൈകടത്തിയെന്നും പ്രതിഭാഗം വാദിച്ചു. ഷാജഹാന് രാഷ്ട്രീയ അജണ്ട ഉണ്ടെന്നും വാദം. ഹര്‍ജിക്കാരന്‍ രാഷ്ട്രീയക്കാരനല്ലല്ലോ എന്ന് കോടതി ചോദിച്ചു. ഷാജഹാനെ പാര്‍ട്ടിയില്‍ നിന്ന് പുറത്താക്കിയതാണെന്നാണ് വീണയുടെ അഭിഭാഷകന്‍ കോടതിയെ അറിയിച്ചത്. ഷാജഹാന് ഹര്‍ജി നല്‍കാന്‍ നിയമപരമായ അവകാശമുണ്ടോ എന്നും വീണയുടെ അഭിഭാഷകന്‍ ചോദ്യം ഉന്നയിച്ചു. അപ്പീലില്‍ ഉച്ചയ്ക്ക് ശേഷം വാദം തുടരും.
Related Posts
ശബരിമല മണ്ഡല മകരവിളക്ക് തീര്‍ത്ഥാടനം; വെര്‍ച്വല്‍ ക്യൂ ബുക്കിംഗ് ഒക്ടോബര്‍ 29ന് ആരംഭിക്കും
KCN CHANNEL