ഓട്ടോ തൊഴിലാളി യൂണിയന്‍ സിഐടിയു നഗരസഭാ ഓഫീസിലേക്ക് മാര്‍ച്ച് നടത്തി

കാസര്‍കോട് ; നായക്‌സ് റോഡ് ഉള്‍പ്പെടെ നഗര പരിധിയിലെ പൊട്ടിപ്പൊളിഞ്ഞ റോഡുകള്‍ ഗതാഗതയോഗ്യമാക്കുക, ഓട്ടോറിക്ഷകള്‍ക്ക് പാര്‍ക്കിംഗ് സൗകര്യം ഏര്‍പ്പെടുത്തുക, നഗരത്തിലെ ഓട്ടോറിക്ഷകളുടെയും തൊഴിലാളികളുടേയും കൃത്യമായ കണക്കെടുത്ത് ജനസംഖ്യാനുപാതികമായി തൊഴിലിടങ്ങളും സംരക്ഷണവും ഏര്‍പ്പെടുത്തുക, നഗരത്തില്‍ വൃത്തിഹീനമായ സാഹചര്യത്തില്‍ നാടോടികളായവര്‍ അപകടസാധ്യത വരുത്തി വെക്കുന്ന വിധം കളിപ്പാട്ടങ്ങള്‍ വില്‍പന നടത്തുന്നത് തടയുക തുടങ്ങിയ ആവശ്യങ്ങള്‍ ഉന്നയിച്ചുകൊണ്ട് ഓട്ടോ തൊഴിലാളി യൂണിയന്‍ സിഐടിയു കാസര്‍കോട് ഡിവിഷന്‍ കമ്മിറ്റി കാസര്‍കോട് നഗരസഭാ ഓഫീസിലേക്ക് മാര്‍ച്ച് നടത്തി. ജില്ലാ ജോയിന്റ് സെക്രട്ടറി എ.ആര്‍ ധന്യവാദ് ഉദ്ഘാടനം ചെയ്തു. രവി കെ നെല്ലിക്കുന്ന് അധ്യക്ഷത വഹിച്ചു. ഗിരികൃഷ്ണന്‍, ഷാഫി ചാലക്കുന്ന്, പി കുഞ്ഞിരാമന്‍, എന്‍ രാമന്‍ എന്നിവര്‍ സംസാരിച്ചു.വി രവീന്ദ്രന്‍ പെരുമ്പള സ്വാഗതം പറഞ്ഞു.