പരിഹരിക്കാന്‍ ശ്രമിക്കുന്നു, വൈദ്യുതി പ്രതിസന്ധിക്ക് കാരണം ഉപയോഗം അസാധാരണമായി വര്‍ധിച്ചത്’ : മന്ത്രി സണ്ണി ജോസഫ്
സംസ്ഥാനത്തെ വൈദ്യുതി പ്രതിസന്ധി പരിഹരിക്കാന്‍ ശ്രമങ്ങള്‍ തുടരുകയാണെന്ന് വൈദ്യുതി വകുപ്പ് മന്ത്രി അറിയിച്ചു.
തിരുവനന്തപുരം : സംസ്ഥാനത്തെ വൈദ്യുതി പ്രതിസന്ധി പരിഹരിക്കാന്‍ ശ്രമം തുടരുകയാണെന്ന് വൈദ്യുതി വകുപ്പ് മന്ത്രി സണ്ണി ജോസഫ്. സംസ്ഥാനത്തിന് പുറത്ത് നിന്ന് വാങ്ങുമ്പോള്‍, വില കൂടുതല്‍ കൊടുക്കേണ്ടി വരുന്നതാണ് പ്രയാസം. വൈദ്യുതി പ്രതിസന്ധി പരിഹരിക്കാന്‍ ശ്രമിക്കുന്നുണ്ട്. പരിഹരിക്കാന്‍ കഴിയുമെന്നാണ് പ്രതീക്ഷിക്കുന്നത്. ഹിമാചല്‍ മാത്രമല്ല, മറ്റ് സ്ഥലങ്ങളിലില്‍ നിന്നും വൈദ്യുതി വാങ്ങുന്നതും പരിഗണിക്കുന്നുണ്ട്. കൂടുതല്‍ അളവ് ഹിമാചലില്‍ നിന്നാണ് ലഭിക്കുന്നത്. പ്രതിസന്ധി പരിഹരിക്കാന്‍ ഇടപെടല്‍ നടത്തുന്നുണ്ട്. മുഖ്യമന്ത്രി വിഡി സതീശന്‍, ചീഫ് സെക്രട്ടറി എന്നിവരുമായി ഇന്നലെ സംസാരിച്ചു. വൈദ്യുതി ഉപയോഗം അസാധാരണമായി വര്‍ധിച്ചതാണ് പ്രതിസന്ധിയുണ്ടാകാന്‍ കാരണമായത്. ഒരുകാലത്തും ഉണ്ടാകാത്ത രീതിയില്‍ ഉപയോഗത്തില്‍ വര്‍ധനവ് ഉണ്ട്. ഇത് കേരളം മാത്രം നേരിടുന്ന പ്രശ്‌നമല്ലെന്നും ദേശീയ തലത്തില്‍ നേരിടുന്ന പ്രശ്‌നമാണെന്നും മന്ത്രി ചൂണ്ടിക്കാട്ടി.
വൈദ്യുതി പ്രതിസന്ധി അടുത്ത മാസവുമുണ്ടായേക്കും
സംസ്ഥാനത്തെ വൈദ്യുതി പ്രതിസന്ധി അടുത്ത മാസവുമുണ്ടായേക്കും. ഹിമാചല്‍ പ്രദേശില്‍ നിന്ന് വൈദ്യുതി വാങ്ങുന്നതുമായി ബന്ധപ്പെട്ട കരാര്‍ അനിശ്ചിതത്വത്തില്‍ തുടരുന്നതിനാല്‍ കേരളത്തില്‍ നവംബര്‍ മാസം മുതല്‍ വീണ്ടും ലോഡ്‌ഷെഡിംഗിനും വൈദ്യുതി പ്രതിസന്ധിക്കും സാധ്യതയുണ്ടെന്നാണ് സൂചന. സമയത്ത് തീരുമാനം അറിയിക്കാതിരുന്ന സാഹചര്യത്തില്‍ ഹിമാചല്‍ പ്രദേശില്‍ നിന്ന് വൈദ്യുതി കിട്ടിയേക്കില്ല. ഇപ്പോഴത്തെ സാഹചര്യത്തില്‍ പീക്ക് സമയത്ത് 738 മെഗാ വാട്ട് വരെ കുറവുണ്ട്. പീക്ക് സമയത്ത് വൈദ്യതി ലഭ്യമാക്കാന്‍ സര്‍ക്കാര്‍ തലത്തിലും ശ്രമം നടക്കുന്നുണ്ട്. തത്സമയ വിപണിയില്‍ നിന്ന് കിട്ടിയില്ലെങ്കില്‍ നിയന്ത്രണം വേണ്ടി വന്നേക്കും.
Related Posts
