32
കോട്ടയം: പാപ്പാലപ്പറമ്പില്‍ പോത്തന്‍ വര്‍ഗീസിന്റെ ഉടമസ്ഥതയിലുള്ള പുതുപ്പള്ളി അര്‍ജുനന്‍ ചെരിഞ്ഞു. 40 വയസായിരുന്നു. മോഴയാനയായ അര്‍ജുന്‍ അസം സ്വദേശിയാണ്.
ക്ഷേത്രങ്ങളിലെ എഴുന്നള്ളത്തിനും തടിപിടിക്കുന്നതിനും ഒരുപോലെ പോയിരുന്ന അര്‍ജുന്‍ ഒരാഴ്ചയായി കാലിന് വേദനയായി ചികിത്സയിലായിരുന്നു. ക്രെയിനുപയോഗിച്ച് ഉയര്‍ത്തി നോക്കിയെങ്കിലും കാലുറപ്പിച്ച് നില്‍ക്കാന്‍ കഴിയാത്ത നിലയിലായിരുന്നു.
ഡോക്ടര്‍മാര്‍ മരുന്നുകള്‍ നല്‍കിയെങ്കിലും ആരോഗ്യസ്ഥിതി മെച്ചപ്പെട്ടില്ല. തുടര്‍ന്ന് വ്യാഴാഴ്ച വൈകീട്ട് അഞ്ചുമണിയോടെ അന്ത്യം സംഭവിക്കുകയായിരുന്നു. സംസ്‌കാരം വെള്ളിയാഴ്ച നടക്കും.
