കാസര്‍കോട് ബി.ഇ.എം. സ്‌കൂളില്‍ വിദ്യാര്‍ഥികള്‍ക്ക് പ്രതിഭാ പുരസ്‌കാരം

കാസര്‍കോട് ബി.ഇ.എം. സ്കൂളിലെ 2023-24 അദ്ധ്യയന വർഷത്തെ എസ്എസ്എൽസി പരീക്ഷയിൽ മുഴുവൻ വിഷയങ്ങൾക്കും A+ നേടിയ 46 വിദ്യാർത്ഥികൾക്കും 9 A+ നേടിയ 15 വിദ്യാർത്ഥികൾക്കും സ്കൂൾ PTA യുടെ നേതൃത്വത്തിൽ അനുമോദിച്ചു. പിടിഎ പ്രസിഡന്റ് രവിശങ്കർ അദ്ധ്യക്ഷത വഹിച്ച ചടങ്ങിൽ മുഖ്യാതിഥിയായി സാർവജനിക വിദ്യാഭ്യാസ സംരക്ഷണ യജ്ഞം അദ്ധ്യക്ഷൻ കെ. എൻ. വെങ്കിട്രമണ ഹൊള്ള വിദ്യാർത്ഥികളെ അനുമോദിച്ചു. B.S.കക്കില്ലായ ഇവരുടെ സ്മരണാർത്ഥം മകൾ ശശികല ബി. മികച്ച കന്നഡ വിദ്യാർഥികൾക്ക് ക്യാഷ് പ്രൈസ് നൽകി. സ്കൂൾ പ്രിൻസിപ്പൽ രാജേഷ് ചന്ദ്ര, പിടിഎ വൈസ് പ്രസിഡന്റ് ദിനേശ് ബംബ്രാണ, പിടിഎ മുൻ അദ്ധ്യക്ഷൻ പ്രേംജിത്, മദർ പിടിഎ അദ്ധ്യക്ഷ ശാരദ തുടങ്ങിയവർ ആശംസകൾ അർപ്പിച്ചു. ചടങ്ങിന്  സ്കൂൾ ഹെഡ്മാസ്റ്റർ ഗണേഷ് സ്വാഗതം പറഞ്ഞു. സന്ധ്യ ടീച്ചർ നിരൂപണം നടത്തി. സൗമ്യ മയ്യ ടീച്ചർ നന്ദി രേഖപ്പെടുത്തി