കാസര്ഗോഡ്. റിവറെയിന് റെസിഡന്സി അസോസിയേഷന് സഹകരണത്തോടെ ഡയാലൈഫ് ഹോസ്പിറ്റല് സൗജന്യ മെഡിക്കല് ക്യാമ്പ് സംഘടിപ്പിച്ചു. പുലിക്കുന്ന് റിവറെയിന് അപ്പാര്ട്ട്മെന്റിന്റെ മുന്വശത്ത് വെച്ച് സംഘടിപ്പിച്ച മെഡിക്കല് ക്യാമ്പില് നൂറില് പരം രോഗികള് പങ്കെടുത്തു. മെഡിക്കല് ക്യാമ്പ് ഉദ്ഘാടനം കാസര്കോട് മുന്സിപ്പാലിറ്റി കൗണ്സിലര് ശ്രീമതി ഷക്കീന മൊയ്തീന് നിര്വഹിച്ചു. അസോസിയേഷന് സെക്രട്ടറി ശ്രീ ബാബുരാജ് അധ്യക്ഷത വഹിച്ചു. ക്യാമ്പില് വെച്ച് പുലിക്കുന്ന് നിവാസികള്ക്കുള്ള ആരോഗ്യ ഹെല്ത്ത് കാര്ഡ് വിതരണവും രക്ത പരിശോധനയും നടത്തി. ജീവിതശൈലി രോഗങ്ങളെ കുറിച്ച് ഡയലൈഫ് ഹോസ്പിറ്റല് ന്യൂട്രിഷനിസ്റ്റ്മാരായ ശ്രീമതി അഫ്ര, ശ്രീമതി ഹര്ഷ എന്നിവര് ബോധവത്കരണം നടത്തി. ശ്രീ മൊയ്തീന് കമ്പ്യൂട്ടര്, മറ്റു എക്സിക്യൂട്ടീവ് മെമ്പര്മാര് സംബന്ധിച്ചു. ഡയലൈഫ് മാനേജര് മന്സൂര് ടി എ. സ്വാഗതവും ഷഫീര് കുമ്പള നന്ദിയും പറഞ്ഞു
സൗജന്യ ജീവിതശൈലി രോഗനിര്ണ്ണയ ക്യാമ്പ് സംഘടിപ്പിച്ചു
