നീലേശ്വരം : കാസര്കോട് ജില്ലാ പഞ്ചായത്തും സംസ്ഥാന യുവജനക്ഷേമ
ബോര്ഡും സംയുക്തമായി നടത്തുന്ന കേരളോത്സവത്തിന്റെ അത്ലറ്റിക്സ് മത്സരങ്ങള് നീലേശ്വരം ഇഎംഎസ് സ്റ്റേഡിയത്തില് നടന്നു. മത്സരത്തില് 82 പോയിന്റ് നേടി കാഞ്ഞങ്ങാട് ബ്ലോക്ക് ഒന്നാം സ്ഥാനവും 72 പോയിന്റ് നേടി മഞ്ചേശ്വരം ബ്ലോക്ക് രണ്ടാം സ്ഥാനവും നേടി.
സംസ്ഥാന സ്പോര്ട്സ് കൗണ്സില് അംഗം പി.പി. അശോകന് വിജയികള്ക്ക് സമ്മാനം നല്കി. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാന്ഡിങ് കമ്മിറ്റി ചെയര്മാന് എം. മനു ഉദ്ഘാടനം ചെയ്തു. നീലേശ്വരം നഗരസഭാ വിദ്യാഭ്യാസ സ്റ്റാന്ഡിങ് കമ്മിറ്റി ചെയര്മാന് കെ. സതീശന് അധ്യക്ഷനായി. നഗരസഭാ വികസനകാര്യ സ്റ്റാന്ഡിങ് കമ്മിറ്റി ചെയര്മാന് ഇ.കെ. ചന്ദ്രന്, പി. അഖിലേഷ്, അനീഷ്, ജില്ലാ പ്രോഗ്രാം ഓഫീസര് ഷിലാസ്, എം.വി. രതീഷ് എന്നിവര് സംസാരിച്ചു.
