ഓണക്കാലത്ത് സംസ്ഥാനത്തെ സ്വര്ണവിലയും കുതിച്ചുയര്ന്നു. ഇന്നലെയും ഇന്നുമായി ഒരു ഗ്രാം സ്വര്ണത്തിന്റെ വിലയില് 160 രൂപയാണ് വര്ദ്ധിച്ചത്. ഇതോടെ കഴിഞ്ഞ രണ്ട് മാസത്തിനിടയിലെ ഏറ്റവും ഉയര്ന്ന വിലയിലാണ് ഇന്ന് സംസ്ഥാനത്തെ സ്വര്ണ വ്യാപാര പുരോഗമിക്കുന്നത്. രാജ്യാന്തര വിപണിയിലെ വില വര്ദ്ധനവാണ് സംസ്ഥാനത്തെ വിപണിയിലും സ്വര്ണത്തിന് വില കൂടാന് കാരണമായി ചൂണ്ടിക്കാട്ടപ്പെടുന്നത്.
ഇന്നലെ 22 ക്യാരറ്റ് ഒരു ഗ്രാം സ്വര്ണത്തിന് 120 രൂപ വര്ദ്ധിച്ചു. പവന്റെ വില കണക്കാക്കുമ്പോള് ഒറ്റ ദിവസം കൊണ്ട് 960 രൂപയുടെ വര്ദ്ധനവുണ്ടായി. ഇന്ന് വീണ്ടും ഗ്രാമിന് 40 രൂപയും പവന് 320 രൂപയും കൂടി. ഇതോടെ കേരളത്തില് ഇന്ന് 6865 രൂപയാണ് ഒരു ഗ്രാം സ്വര്ണത്തിന്റെ വില. പവന് വില കണക്കാക്കുമ്പോള് 54,920 രൂപ വരും. ഈ മാസം തുടക്കത്തില് 6,695 രൂപയായിരുന്നു ഗ്രാമിന്റെ വില. അഞ്ചാം തീയ്യതി വരെ 6,670 രൂപയിലേക്ക് കുറഞ്ഞിരുന്നു. അതിന് ശേഷം കഴിഞ്ഞ രണ്ട് ദിവസത്തിലാണ് ഇത്രയധികം രൂപയുടെ വര്ദ്ധനവ് ഒറ്റയടിക്ക് ഉണ്ടായത്.