കാഞ്ഞങ്ങാട്: ചെറുകിട ആശുപത്രികളെ സംരക്ഷിക്കുക, പൊതുജനങ്ങള്ക്ക് ചുരുങ്ങിയ ചെലവില് ചികിത്സ ഉറപ്പാക്കുക തുടങ്ങിയ ആവശ്യങ്ങള് ഉന്നയിച്ച് ഇന്ത്യന് മെഡിക്കല് അസോസിയേഷന് (ഐഎംഎ) കാസര്കോട് ജില്ലാ കമ്മിറ്റിയുടെ നേതൃത്വത്തില് ഡിഎംഒ ഓഫീസിന് മുന്നില് ധര്ണ നടത്തി.
പൊതുജനാരോഗ്യ സംരക്ഷണ ദിനാചരണത്തിന്റെ ഭാഗമായാണ് 15-ല് താഴെ കിടക്കകള് ഉള്ള ചെറിയ ആശുപത്രികളെ ക്ലിനിക്കല് എസ്റ്റാബ്ലിഷ്മെന്റ് ആക്ടിന്റെ പരിധിയില് നിന്ന് ഒഴിവാക്കണമെന്ന് ആവശ്യപ്പെട്ട് ഡോക്ടര്മാര് പ്രതിഷേധിച്ചത്.
ഉദ്ഘാടനവും അധ്യക്ഷതയും
ഐഎംഎ സെന്ട്രല് വര്ക്കിംഗ് കമ്മിറ്റി മെമ്പര് ഡോ. ബി. നാരായണ നായിക്ക് ധര്ണ ഉദ്ഘാടനം ചെയ്തു. കാസര്കോട് ഡിസ്ട്രിക്റ്റ് കമ്മിറ്റി ചെയര്മാന് ഡോ. ജനാര്ദ്ദന നായിക്ക് സി.എച്ച്. അധ്യക്ഷത വഹിച്ചു.
ചെറുകിട ആശുപത്രികള്ക്ക് മേല് അമിത നിയന്ത്രണങ്ങള് അടിച്ചേല്പ്പിക്കുന്നത് സാധാരണക്കാര്ക്ക് കുറഞ്ഞ ചെലവില് ലഭിക്കുന്ന ചികിത്സാ സൗകര്യങ്ങളെ ഇല്ലാതാക്കുമെന്ന് നേതാക്കള് ചൂണ്ടിക്കാട്ടി.
പ്രമുഖരുടെ പ്രസംഗം
ഐഎംഎ കാഞ്ഞങ്ങാട് ബ്രാഞ്ച് പ്രസിഡന്റ് ഡോ. സുരേഷന് വി. മുഖ്യപ്രഭാഷണം നടത്തി. സ്റ്റേറ്റ് വര്ക്കിംഗ് കമ്മിറ്റി മെമ്പര് ഡോ. ശശിരേഖ, ഐഎംഎ കാസര്കോട് ബ്രാഞ്ച് സെക്രട്ടറി ഡോ. അണ്ണപ്പ കാമത്ത്, കെജിഎംഒഎ ജില്ലാ സെക്രട്ടറി ഡോ. ശ്രുതി എന്നിവര് ആശംസകള് അര്പ്പിച്ച് സംസാരിച്ചു.
നേതൃത്വം നല്കിയവര്
കാസര്കോട് ബ്രാഞ്ച് പ്രസിഡന്റ് ഡോ. രേഖ റൈ, വൈസ് പ്രസിഡന്റ് ഡോ. ജമാല് അഹ്മദ്, കാഞ്ഞങ്ങാട് ബ്രാഞ്ച് സെക്രട്ടറി ഡോ. ജീജ എന്.പി., ട്രഷറര് ഡോ. വിജയലക്ഷ്മി, സെന്ട്രല് വര്ക്കിംഗ് കമ്മിറ്റി മെമ്പര് ഡോ. ദീപികാ കിഷോര്, മുന് കാഞ്ഞങ്ങാട് ബ്രാഞ്ച് പ്രസിഡന്റ് ഡോ. ശശിധര് റാവു തുടങ്ങിയവര് ധര്ണയ്ക്ക് നേതൃത്വം നല്കി. ഐഎംഎ കാഞ്ഞങ്ങാട് ബ്രാഞ്ച് പ്രസിഡന്റ് ഡോ. രമേഷ് ഡി.ജി. സ്വാഗതവും ഐഎംഎ ജില്ലാ കമ്മിറ്റി കണ്വീനര് ഡോ. കാസിം ടി. നന്ദിയും പറഞ്ഞു.
ഐഎംഎ കാഞ്ഞങ്ങാട്, കാസര്കോട്, ഉപ്പള ബ്രാഞ്ച് കമ്മിറ്റി അംഗങ്ങള് ധര്ണയില് പങ്കെടുത്തു. തുടര്ന്ന് ഐഎംഎയുടെ ആവശ്യങ്ങള് അടങ്ങിയ നിവേദനം നേതാക്കള് ഡിഎംഒയ്ക്ക് സമര്പ്പിച്ചു.
മഞ്ചേശ്വരത്ത് കന്നുകാലി ഇറക്കുന്നതിനിടെ തൊഴിലാളികള്ക്ക് ക്രൂരമര്ദ്ദനം; രണ്ട് പേര്ക്ക് പരിക്ക്
പുതിയ വാര്ത്തകള് സമയബന്ധിതമായി അറിയാന് ഞങ്ങളുടെ വാട്സ്ആപ്പ് ചാനല് ഫോളോ ചെയ്യുക. ഈ വാര്ത്ത ഷെയര് ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്
