മംഗളൂരു: കര്ണാടക ആര്.ടി.സി. ജില്ലയില് ഇലക്ട്രിക് ബസ് സര്വീസുകള് ആരംഭിക്കാനിരിക്കെ, ദക്ഷിണ കന്നഡ ജില്ലയിലെ ആദ്യ സ്വകാര്യ ഇലക്ട്രിക് ബസ് സര്വീസിന് തുടക്കമായി.
വേദവ്യാസ കാമത്ത് എം.എല്.എ. ബസ് ഫ്ലാഗ് ഓഫ് ചെയ്തു. മംഗളാദേവിക്ഷേത്ര പരിസരത്തുനിന്ന് റൂട്ട് നമ്പര് 27-ലാണ് ഈ ബസ് സര്വീസ് നടത്തുക. വായുമലിനീകരണമില്ലാതെ പരിസ്ഥിതി സൗഹൃദമായ സംരംഭമാണ് ഇതെന്നും കൂടുതല് വൈദ്യുതബസുകള് ജില്ലയില് ഓടിക്കാന് താത്പര്യമുള്ളതായും ബസ് ഉടമ ദില്രാജ് ആല്വ പറഞ്ഞു.
കേന്ദ്രസര്ക്കാരിന്റെ ഇ-ബസ് സേവ പദ്ധതിയിലൂടെ 100 വൈദ്യുതബസുകള് ജില്ലയ്ക്ക് അനുവദിച്ചിട്ടുണ്ട്.
